ნიდერლანდების სამეფოში საქართველოს საელჩომ დიასპორული ორგანიზაციის - „ქართული საერთაშორისო სამედიცინო და საზოგადოებრივი ჯანდაცვის ასოციაცია “ ყოველწლიურ შეკრებას უმასპინძლა

ნიდერლანდების სამეფოში საქართველოს საელჩომ, ჰააგაში დიასპორული ორგანიზაციის - „ქართული საერთაშორისო სამედიცინო და საზოგადოებრივი ჯანდაცვის ასოციაცია (GIMPHA)“ ყოველწლიურ შეკრებას უმასპინძლა.

საგარეო საქმეთა სამინისტროს ინფორმაციით, შეკრებას საქართველოს საგარეო საქმეთა მინისტრის მოადგილე, ვლადიმერ კონსტანტინიდი და საქართველოს ჯანმრთელობის, შრომის და სოციალური დაცვის სამინისტროს რეგულირების სააგენტოს უფროსი ლიანა ჭუმბურიძე დაესწრნენ.

მათივე ცნობით, ღონისძიების ფარგლებში, მონაწილეებმა განიხილეს ორგანიზაციის ფარგლებში მიმდინარე პროექტები, იმსჯელეს საქართველოს ჯანდაცვის სფეროს განვითარებაში საზღვარგარეთ მოღვაწე ქართველი პროფესიონალების პოტენციალის გამოყენების შესაძლებლობებსა და სამომავლო გეგმებზე.

„ აღსანიშნავია, რომ ქართული საერთაშორისო სამედიცინო და საზოგადოებრივი ჯანდაცვის ასოციაცია (GIMPHA) 2012 წელს დაარსდა. ეს არის ნიდერლანდების სამეფოში რეგისტრირებული არასამთავრობო ორგანიზაცია, რომელიც მჭიდროდ თანამშრომლობს საქართველოს შრომის, ჯანმრთელობისა და სოციალური დაცვის სამინისტროსთან და პარტნიორობას უწევს საქართველოს მოსახლეობისთვის სამედიცინო მომსახურების მიმწოდებელ არაერთ დაწესებულებას. ის აერთიანებს ქართველ ექიმებს მთელი მსოფლიოდან, რომლებიც საქართველოს ფარგლებს გარეთ მოღვაწეობენ.

ასოციაცია GIMPHA საქართველოს შრომის, ჯანმრთელობისა და სოციალური დაცვის სამინისტროსთან, საგარეო საქმეთა სამინისტროსთან და საქართველოში კოლეგებთან ერთად მუშაობს პროექტზე, რომლის ფარგლებში იგეგმება უცხოეთში მოღვაწე ქართველი ექიმების უფრო მეტად ჩართვა საქართველოს ჯანდაცვის სიტემის განვითარებაში.

ქ. ჰააგაში გამართულ შეხვედრაში მონაწილეობა მიიღო 50-მდე მედიკოსმა და სხვადასხვა ქვეყნის წამყვანი სამედიცინო დაწესებულების ხელმძღვანელმა, ისევე როგორც სამედიცინო სასწავლო ცენტრების და უნივერსიტეტების ხელმძღვანელებმა და სხვა ოფიციალურმა სტუმრებმა”,- აღნიშნულია ინფორმაციაში.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს