ოთარ შამუგია განმარტავს, რა შემთხვევაში შეუძლიათ პირებს თხილის წარმოების ხელშეწყობის მიზნით ამოქმედებულ სუბსიდირების პროგრამაში მონაწილეობის მიღება

გარემოს დაცვისა და სოფლის მეურნეობის მინისტრი ოთარ შამუგია განმარტავს, თუ რა შემთხვევაში შეუძლიათ ფიზიკურ პირებს თხილის წარმოების ხელშეწყობის მიზნით ამოქმედებულ სუბსიდირების პროგრამაში მონაწილეობის მიღება.

როგორც მთავრობის სხდომის დასრულების შემდეგ შამუგიამ განაცხადა, ყველა ფიზიკური პირი, რომელსაც 0.2 ჰა-დან 3 ჰა-მდე თხილის ფართობი აქვს, თითოეულ ჰექტარზე 500 ლარის დახმარებას მიიღებს. მინისტრის განმარტებით, აღნიშნული თანხა აგრობარათებზე ქულების სახით დაერიცხებათ.

„მთავრობის გადაწყვეტილებით, დავეხმარებით სექტორს და ყველა ფიზიკურ პირს, რომელიც სარგებლობს 0,2 ჰა-დან 3 ჰა-მდე თხილის ფართობით, აქვს საკუთრებაში, ან სარგებლობაში, ჩვენ მივცემთ 1 ჰექტარზე გადაანგარიშებით 500 ლარის ოდენობით დახმარებას, რომელთაც ისინი აგრობარათების, ქულების სახით მიიღებენ და შეძლებენ სხვადასხვა საქონლის შესასყიდად გამოყენებას, რომელიც თხილის მოვლისთვისაა საჭირო. ჩვენ ვფიქრობთ, რომ მნიშვნელოვნად შევუწყობთ ხელს თხილის მოსავლის რაოდენობის ზრდას და ასევე, ხარისხის გაუმჯობესებას ქვეყანაში. გარდა ამისა, უნდა ითქვას, რომ 3 ჰა-დან ზემოთ თხილის ფართობის მქონე ფერმერებისთვისაც გავაკეთებთ გარკვეულ შეღავათებს და მათ მივცემთ საშუალებას, ისარგებლონ შეღავათიანი აგროკრედიტის საბრუნავი საშუალებებით და დავუფინანსებთ, დაახლოებით, 8%-ის ფარგლებში სესხის პროცენტს.

ვფიქრობთ, ეს ღონისძიებები მნიშვნელოვნად შეუწყობს ხელს ხარისხიანი თხილის მოსავლის მიღებას. უნდა აღვნიშნოთ ისიც, რომ პროცესი წარიმართება შემდეგნაირად: ჩვენ აღვრიცხავთ თხილის ყველა მოსარგებლეს, შესაბამისი სამსახურების და ადგილობრივი ხელისუფლების, მუნიციპალიტეტების აქტიური ჩართულობით, ჩვენ გავაკეთებთ და შევაგროვებთ მონაცემებს, რომლის ფარგლებშიც გვექნება სრული ინფორმაცია, თუ რა ფართობის თხილს ფლობს ფიზიკური თუ იურიდიული პირი. ასევე ჯიშებზე გვექნება ინფორმაცია, რაც შემდეგში შესაბამისი ანალიზის გაკეთების და შესაბამისი ღონისძიებების გატარების შესაძლებლობას მოგვცემს თხილის სექტორის მხადრაჭერისთვის“, - განაცხადა შამუგიამ.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ