Hotsale.ge დაზოგვის საერთაშორისო დღეს აღნიშნავს

დანაზოგების ყველაზე მასშტაბური პლატფორმა Hotsale.ge დაზოგვის საერთაშორისო დღეს აღნიშნავს. ყოველწლიურად, 31 ოქტომბერს მსოფლიოს მრავალ ქვეყანაში დაზოგვის პოპულარიზაციასთან დაკავშირებით სხვადასხვა ღონისძიება იმართება, რაშიც ქართული კომპანია წელსაც იღებს მონაწილეობას.

HOTSALE.GE უკვე 11 წელია ქართულ ბაზარზე ლიდერის პოზიციას იკავებს და მომხმარებელს ხარისხიან და მასზე მორგებულ სერვისსა და პროდუქტს სთავაზობს, რაც მთავარია, მასშტაბური დანაზოგით. HOTSALE.GE-ზე წარმოდგენილია 10 000 პარტნიორი კომპანიის 2 000-ზე მეტი აქტიური აქცია, რომელიც კომპანიის ხარისხის კონტროლის დეპარტამენტის მიერ გადამოწმებულია და დამტკიცებულია, როგორც სანდო.

„ჩვენთვის მნიშვნელოვანია, წლების მანძილზე ვრჩებოდეთ ლიდერ დანაზოგების პლატფორმად საქართველოში და ათობით ათასი მომხმარებელი თავის დასვენებას, სხვადასხვა შენაძენს, გართობას თუ ჯანმრთელობას უკვე ჩვენ გვანდობდეს. კვლავაც გავაგრძელებთ დანაზოგების პოპულარიზაციას და საინტერესო შეთავაზებების გაკეთებას“, - განაცხადა Hotsale.ge-ის ბრენდ მენეჯერმა ლანა ცხადაძემ.

მსოფლიო დაზოგვის დღე საქართველოში წელს მეცხრედ აღინიშნება. მასში მონაწილეობას იღებენ როგორც სახელმწიფო სტრუქტურები, ისე საერთაშორისო ორგანიზაციები და კერძო სექტორი. დაზოგვის დღისთვის ეწყობა ღონისძიებათა სერია, რომელიც მთელი კვირის განმავლობაში გაგრძელდება და სხვადასხვა თემატური აქტივობა განხორციელდება.

ცოტა რამ დაზოგვის დღის შექმნის შესახებ: 1924 წელს მილანში შემნახველი ბანკების პირველ საერთაშორისო კონგრესზე დაზოგვის მსოფლიო დღის დაარსება გადაწყდა. კონგრესში 29 ქვეყნის წარმომადგენელი მონაწილეობდა და თავდაპირველად მისი შექმნის მიზანი სახლში დაგროვების ნაცვლად ფულის ბანკში შენახვის პოპულარიზაცია იყო. 1989 წელს გაერთიანებული ერების ორგანიზაციამ 31 ოქტომბერი დაზოგვის მსოფლიო დღედ გამოაცხადა. შესაბამისად, უკვე თითქმის 100 წელია, მსოფლიოს მასშტაბით დაზოგვის დღე აღინიშნება.

#დაზოგვაჭკვიანურია

(R)