შსს-ს დელეგაცია ვიზიტით პოლონეთის რესპუბლიკაში იმყოფებოდა

შინაგან საქმეთა სამინისტროს სასაზღვრო პოლიციის უფროსი, ნიკოლოზ შარაძე და საპატრულო პოლიციის დეპარტამენტის დირექტორი, ვაჟა სირაძე პოლონეთში, ქალაქ ვარშავაში, Frontex-ის მიერ ორგანიზებულ, საზღვრის პოლიციის 25-ე საერთაშორისო კონფერენციას დაესწრნენ.

შინაგან საქმეთა სამინისტროს ინფორმაციით, ღონისძიების ძირითად თემას წარმოადგენდა საზღვარზე შექმნილ საგანგებო სიტუაციებზე რეაგირებისთვის მომზადება.

საერთაშორისო კონფერენციას მსოფლიოს სხვადასხვა ქვეყნის სასაზღვრო და სანაპირო პოლიციის ხელმძღვანელები ესწრებოდნენ.

ვიზიტის ფარგლებში, საქართველოს სასაზღვრო პოლიციის და საპატრულო პოლიციის ხელმძღვანელმა პირებმა მოლდოვის რესპუბლიკის შინაგან საქმეთა სამინისტროს სასაზღვრო პოლიციის გენერალური ინსპექტორატის ხელმძღვანელთან, ვასილოი როსიანთან ორმხრივი შეხვედრა გამართეს და ორი ქვეყნის სასაზღვრო უწყებებს შორის თანამშრომლობის გაღრმავებაზე ისაუბრეს.

ქართული დელეგაციის წევრები ასევე შეხვდნენ FRONTEX-ის ოპერაციული რეაგირების დეპარტამენტის ხელმძღვანელს, ანა კრისტინე იორგეს. მხარეებმა საქართველოს შინაგან საქმეთა სამინისტროსა და FRONTEX-ის თანამშრომლობის გაღრმავების პერსპექტივები და სამომავლო გეგმები განიხილეს.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის