ლაშა ფარულავა - ის, რომ მეტროსადგური „გოცირიძე“ ჯერ კიდევ არ არის გახსნილი, ნათელი დადასტურებაა, როგორ ჭაობშია თბილისის მერია - კალაძემ მერია ივანიშვილის ქარვასლად აქცია

მეტროსადგური „გოცირიძე“ ჯერ კიდევ არ არის გახსნილი, რაც კიდევ ერთი ნათელი დადასტურებაა, როგორ ჭაობშია თბილისის მერია, - ამის შესახებ ანტიკორუფციული მოძრაობის აღმასრულებელმა დირექტორმა, ლაშა ფარულავამ განაცხადა.

მისივე თქმით, მეტროსადგურ „გოცირიძის“ რეაბილიტაციაზე ხელშეკრულება კომპანია „მამისონთან“ გასულ წელს გაფორმდა და სამუშაოები 7 თვეში უნდა დასრულებულიყო, თუმცა აღნიშნული მეტროსადგური მგზავრებს ჯერ კიდევ ვერ ემსახურება.

„ხელშეკრულება შარშან ნოემბერში კომპანია „მამისონთან“ გაფორმდა და სამუშაოები 7 თვეში უნდა დაესრულებინა და დღეს მგზავრებს უნდა ემსახურებოდეს, თუმცა არ არის გახსნილი და ეს კიდევ ერთი ნათელი დადასტურებაა, რა ჭაობშია თბილისის მერია - კორუფციის, გულგრილობის, უპასუხისმგებლობის. რა თქმა უნდა, ამაში ბრალი კახა კალაძეს მიუძღვის, რომელმაც თბილისის მერია ბიძინა ივანიშვილის ქარვასლად აქცია, სადაც მთავარი ამოცანა, ნაცვლად თბილისელებზე ზრუნვისა, არის კორუფციული გზით ტენდერების განაწილება, სამშენებლო ნებართვების მიღება. ეს არის ჩვეულებრივი ქარვასლა, სადაც ოლიგარქიული კლანის წევრების მიერ ვაჭრობა მიმდინარეობს. შესაბამისად, ამას კეთილსინდისიერი თბილისელების ინტერესები ეწირება,“ - განაცხადა ლაშა ფარულავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს