სემეკსა და კიბერუსაფრთხოების ეროვნულ ასოციაციას შორის მემორანდუმი გაფორმდა

საქართველოს ენერგეტიკისა და წყალმომარაგების მარეგულირებელ ეროვნულ კომისიასა (სემეკ) და კიბერუსაფრთხოების ეროვნულ ასოციაციას შორის ურთიერთთანამშრომლობის მემორანდუმი გაფორმდა. ინფორმაციას ამის შესახებ სემეკი ავრცელებს.

მათივე ცნობით, მემორანდუმს ხელი სემეკის წევრმა, გიორგი ფანგანმა და კიბერუსაფრთხოების ეროვნული ასოციაციის თავმჯდომარემ, ნიკოლოზ გაგნიძემ მოაწერეს.

გავრცელებული ინფორმაციით, მემორანდუმის მიზანია კიბერუსაფრთხოების მიმართულებით ცნობიერების ამაღლება, კიბერუსაფრთხოების საკითხებზე ინფორმაციული შეხვედრების, სწავლებისა და ტრენინგების ერთობლივი ორგანიზება, კიბერუსაფრთხოების მდგრადობისა და ინფორმაციული საზოგადოების შესაძლებლობების გაძლიერება.

მხარეები კიბერუსაფრთხოების საკომუნიკაციო სტრატეგიისა და შესაბამისი სამოქმედო გეგმის შემუშავების პროცესში ითანამშრომლებენ და კიბერუსაფრთხოების საკითხებთან დაკავშირებული ერთობლივი კვლევების განხორციელებას უზრუნველყოფენ.

„ენერგეტიკისა და წყალმომარაგების სექტორებისთვის კიბერუსაფრთხოება უმნიშვნელოვანესი საკითხია. სემეკში კიბერუსაფრთხოების თემატიკას განსაკუთრებული ყურადღება ეთმობა. უნდა აღინიშნოს, რომ სემეკის თანამშრომელთა მიერ შემუშავებული და დანერგილია მომსახურების ხარისხის პროგრამა, რომლის საშუალებითაც კომპანიასა და მომხმარებელს შორის ურთიერთობის მონიტორინგი დროის პირდაპირ რეჟიმში ხდება. კიბერუსაფრთხოების ეროვნულ ასოციაციასთან მჭიდრო თანამშრომლობა სემეკის მიერ რეგულირებად სექტორებში საკითხის კიდევ უფრო გააქტიურებას უზრუნველყოფს. ასოციაციასთან ერთად არაერთი მნიშვნელოვანი სასწავლო პროექტის განხორციელებას ვგეგმავთ, რომლის მიზანიც იქნება როგორც სამიზნე ჯგუფების საინფორმაციო დონის ამაღლება, ასევე ინოვაციური პროექტების დანერგვა ენერგეტიკისა და წყალმომარაგების სექტორებში ციფრული მომსახურებების მიმართულებით“, - აღნიშნა გიორგი ფანგანმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო