ანტიკორუფციულ საკითხებზე ინიცირებული კანონპროექტი ევროკავშირის IV პრიორიტეტულ ამოცანას ვერ პასუხობს. ამის შესახებ IDFI-ის მიერ გავრცელებულ განცხადებაშია ნათქვამი.

როგორც ორგანიზაცია განმარტავს, შემოთავაზებულ ახალ ორგანოს მხოლოდ სახელმწიფოს ანტიკორუფციული პოლიტიკის განსაზღვრაში მონაწილეობის უფლებამოსილება მიენიჭება, რაც აბსოლუტურად არასაკმარისია ევროკავშირის მეოთხე რეკომენდაციის აღსასრულებლად.

IDFI მოუწოდებს საქართველოს პარლამენტს, გაითვალისწინოს ევროკომისიის დასკვნა და შექმნას დამოუკიდებელი ცენტრალიზებული ორგანო, რომელიც თავს მოუყრის ყველა საკვანძო ანტიკორუფციულ ფუნქციას.

ანტიკორუფციული ბიუროს შექმნასთან დაკავშირებულ კანონპროექტზე IDFI-ის ანალიზს ვრცლად გაეცანით ბმულზე: https://bit.ly/3Nn6tT5