შინაგან საქმეთა მინისტრის მოადგილე გიორგი ბუთხუზი მსოფლიო ბანკის გლობალურ დირექტორს შეხვდა

შინაგან საქმეთა სამინისტროს მსოფლიო ბანკის გლობალური დირექტორი ეწვია.

შინაგან საქმეთა სამინისტროს ინფორმაციით, მინისტრის მოადგილე - გიორგი ბუთხუზი და საგანგებო სიტუაციების მართვის სამსახურის უფროსი - თეიმურაზ მღებრიშვილი ურბანულ, კატასტროფების რისკის მართვისა და მდგრადობის საკითხებში მსოფლიო ბანკის გლობალურ დირექტორს - სამეჰ ვაჰბას შეხვდნენ.

უწყების ცნობით, შეხვედრაზე საგანგებო სიტუაციების მართვის სამსახურის წარმომადგენელმა მსოფლიო ბანკის გლობალურ დირექტორს სამსახურის მუშაობის სტრატეგია და სამომავლო გეგმები გააცნო.

„საუბარი ასევე შეეხო საგანგებო სიტუაციების მართვის სამსახურის სახანძრო-სამაშველო განყოფილებებში არსებულ მიმდინარე ინფრასტრუქტურულ მდგომარეობასა და სამომავლოდ დაგეგმილ პროექტებს.

ყურადღება გამახვილდა მსოფლიო ბანკის მიერ მომზადებულ კრიტიკული ინფრასტრუქტურის შეფასების კვლევების შედეგებზეც, რომელიც საგანგებო სიტუაციებზე რეაგირების ობიექტებზე სეისმური რისკის ზეგავლენას გულისხმობს და კრიტიკული ინფრასტრუქტურის დაცვის მიმართულებით საინტერესო და მნიშვნელოვან რეკომენდაციებს იძლევა.

შინაგან საქმეთა სამინისტროში შეხვედრას მსოფლიო ბანკის ურბანული ინფრასტრუქტურისა და კატასტროფების რისკის მართვის მენეჯერი - ქრისტოფ პუშია და კატასტროფის რისკის მართვის მთავარი სპეციალისტი - ტაფაძვა დუბე დაესწრნენ“,- აღნიშნულია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება