ოთარ შამუგია მსოფლიო ბანკის ევროპისა და აზიის მდგრადი განვითარების რეგიონულ დირექტორს შეხვდა

გარემოს დაცვისა და სოფლის მეურნეობის მინისტრი ოთარ შამუგია მსოფლიო ბანკის ევროპისა და აზიის მდგრადი განვითარების რეგიონულ დირექტორს, სამეჰ ვაჰბას შეხვდა.

გარემოს დაცვისა და სოფლის მეურნეობის სამინისტროს ცნობით, შეხვედრაზე მხარეებმა მიმდინარე პროექტები და სამომავლო თანამშრომლობის პერსპექტივები განიხილეს. საუბარი შეეხო სარწყავი სისტემების განვითარების, მიწის მდგრადი მართვისა და კლიმატის ცვლილების შერბილების მიმართულებით თანამშრომლობის გაღრმავების საკითხებს.

მათივე ცნობით, ოთარ შამუგიამ მრავალი წლის განმავლობაში გაწეული მჭიდრო და ეფექტიანი თანამშრომლობისთვის მსოფლიო ბანკის გუნდს მადლობა გადაუხადა. სამეჰ ვაჰბას განცხადებით, მსოფლიო ბანკისთვის საქართველო საიმედო პარტნიორია და აქტიური თანამშრომლობა მომავალშიც გაგრძელდება.

გარემოს დაცვისა და სოფლის მეურნეობის სამინისტროში გამართულ შეხვედრას მსოფლიო ბანკის რეგიონული დირექტორი სამხრეთ კავკასიაში სებასტიან მოლინეუსი, მინისტრის პირველი მოადგილე გიორგი ხანიშვილი და სამინისტროს შესაბამისი სამსახურების და უწყების ხელმძღვანელი პირები ესწრებოდნენ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა