გოგიტა თოდრაძე ადგილობრივი ეკონომიკური განვითარების მე-12 ფორუმში მონაწილეობს

საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე ქალაქ თბილისის მერიის მიერ ორგანიზებულ ადგილობრივი ეკონომიკური განვითარების მე-12 ფორუმში - „გლობალური ეკონომიკური აღდგენა“ მონაწილეობს.

„საქსტატის“ ცნობით, აღნიშნული ფორუმი 2007 წლიდან ტარდება და მასზე ისეთ თემები განიხილება როგორიცაა: ურბანული ეკონომიკა და მდგრადობა, პანდემიური ეკონომიკა და კოვიდის შემდგომი ეკონომიკური აღდგენა, მწვანე ეკონომიკა, მიგრაციის ეკონომიკური გავლენები და ადამიანური კაპიტალის განვითარება და სხვა.

„ღონისძიების ფარგლებში გოგიტა თოდრაძემ დამსწრე საზოგადოებას პრეზენტაცია წარუდგინა - „მიგრაციის სტატისტიკა და ფულადი გზავნილები“. თავის გამოსვლაში „საქსტატის“ აღმასრულებელმა დირექტორმა ყურადღება თბილისის მოსახლეობის დემოგრაფიული მდგომარეობის, ემიგრანტებისა და იმიგრანტების რიცხოვნობის, ფულადი გზავნილებისა და პირდაპირი უცხოური ინვესტიციების შესახებ გაამახვილა. თბილისი, ფორუმის ფარგლებში, ყოველწლიურად მასპინძლობს როგორც ადგილობრივ, ასევე საერთაშორისო დონის სპიკერებს, სხვადასხვა დარგის ექსპერტებს, მუნიციპალიტეტებისა და აკადემიური წრეების წარმომადგენლებს“, - აღნიშნულია გავრცელებულ ინფორმაციაში.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა