თელავში მართლმსაჯულების საკოორდინაციო საბჭოს შეხვედრა გაიმართა

თელავში USAID-ის სამართლის უზენაესობის პროგრამისა და ევროპის საბჭოს მხარდაჭერით მართლმსაჯულების საკოორდინაციო საბჭოს (Bench-Bar) სისხლის სამართლის თემატური სექციის რეგიონული სამუშაო შეხვედრა გაიმართა. ამის შესახებ ინფორმაციას „საქართველოს ადვოკატთა ასოციაცია“ ავრცელებს.

მათივე ცნობით, მრგვალი მაგიდის ფორმატში ადვოკატებმა მოსამართლეებმა და პროკურორებმა ქალთა მიმართ და ოჯახში ძალადობის საქმეებთან დაკავშირებულ პრობლემურ საკითხებზე იმსჯელეს, გენდერული ნიშნით ჩადენილი საქმეების სამართალწარმოებისას არსებული პრობლემები განიხილეს და გადაჭრის გზებზე ისაუბრეს.

„შეხვედრის გახსნით ნაწილში მონაწილეებს მიესალმნენ ადვოკატთა ასოციაციის თავმჯდომარე - დავით ასათიანი, საქართველოს გენერალური პროკურატურის საპროკურორო საქმიანობაზე ზედამხედველობისა და სტრატეგიული განვითარების დეპარტამენტის უფროსის მოადგილე, ლონდა ბიჭიკაშვილი, საქართველოს უზენაესი სასამართლოს მოსამართლე, მერაბ გაბინაშვილი და და დონორი ორგანიზაციების წარმომადგენლები, ბაქარ ჯიქია და მარიამ ვარდოსანიძე.

მართლმსაჯულების საკოორდინაციო საბჭოს (Bench & Bar) მიზანია, ხელი შეუწყოს იურიდიული პროფესიის გაძლიერებას, პროფესიათა შორის ურთიერთპატივისცემას, ჯანსაღი კოლეგიალური დამოკიდებულებისა და საერთო ეთიკური პრინციპების დამკვიდრებას“ , - აღნიშნულია გავრცელებულ ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ