ქუთაისის საერთაშორისო აეროპორტში პირველი ქართული ვირტუალური მობილური ოპერატორი შემოდის

4 ნოემბრიდან, ქუთაისის საერთაშორისო აეროპორტში ოპერირებას პირველი ქართული ვირტუალური მობილური ოპერატორი კომპანია hallo იწყებს. ინფორმაციას „საქართველოს აეროპორტების გაერთიანება“ ავრცელებს.

მათი ინფორმაციით, კომპანია აეროპორტის მგზავრებს კონკურენტუნარიან ფასებსა და მაღალი ხარისხის სერვისს შესთავაზებს.

„hallo-ს სერვისით სარგებლობა საქართველოს ნებისმიერ წერტილშია შესაძლებელი. hallo არის ახალი მობილური ოპერატორი კომპანია ქუთაისის საერთაშორისო აეროპორტში, რომელიც მოფრენის დარბაზში სხვა მობილურ ოპერატორებთან ერთად მგზავრებს ტელეკომუნიკაციის სერვისს შესთავაზებს“,-აღნიშნულია გავრცელებულ ინფორმაციაში.

„საქართველოს აეროპორტების გაერთიანება“ მუდმივად ზრუნავს იმაზე, რომ ქუთაისის საერთაშორისო აეროპორტში მგზავრებს პროდუქტებისა და სერვისების შერჩევისას სხვადასხვა ალტერნატივის საშუალება ჰქონდეთ, ამასთან, კომპანიებს შორის კონკურენცია ზრდის მგზავრებისთვის შეთავაზებული სერვისების ხარისხს და არეგულირებს ფასებს. hallo-s გამოჩენით, ჩვენი აეროპორტის მგზავრებს, უკვე არსებულისგან განსხვავებულ და უშუალოდ ტურისტებზე მორგებულ და ხელსაყრელ პაკეტებს შევთავაზებთ, რადგან მსგავსი ტიპის ოპერატორი უფრო მოქნილია მოგზაურების და ტურისტებისთვის სეგმენტირებული პაკეტების შეთავაზების კუთხით. ობიექტი ქუთაისის საერთაშორისო აეროპორტის მოფრენის დარბაზში მაგთის, "სილქნეთისა" და ბილაინის გვერდით განთავსდება“, - განაცხადა „საქართველოს აეროპორტების გაერთიანების“ არასაავიაციო ბიზნესგანვითარების მენეჯერმა, ინგა ბაკურიძემ.

„საქართველოს აეროპორტების გაერთიანების“ ცნობით, hallo მომსახურებას ბაზარზე უკვე არსებული ოპერატორების ინფრასტრუქტურის დახმარებით უზრუნველყოფს.

„მსგავსი პრაქტიკა არსებობს მსოფლიოს მრავალ ქვეყანაში, სადაც ამ ტიპის ვირტუალური მობილური ოპერატორები კონკრეტული მომხმარებლების სეგმენტაციით გამოირჩევა, რაც მათი პაკეტების შეთავაზებებშიც აისახება. საქართველოში მობილური კავშირის სამყაროში Hallo-ს მსგავსი კომპანიის გამოჩენა მომხმარებლის არჩევანს უფრო მრავალფეროვანს ხდის და მათზე მორგებულ სეგმენტირებულ სერვისებს სთავაზობს“, -აღნიშნულია ინფორმაციაში.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს