ლევან ჟორჟოლიანი - თბილისის საკრებულოს გადაწყვეტილებით, დედაქალაქის მცხოვრებლებს 12 ათასი კვ.მ-მდე სარეკრეაციო სივრცე უბრუნდება

თბილისის საკრებულოს გადაწყვეტილებით და თბილისის მთავრობის განკარგულებით, დიღმის ტყე-პარკის 12 ათასამდე კვ.მ სარეკრეაციო სივრცე დედაქალაქს საკუთრებაში უბრუნდება. აღნიშნული გადაწყვეტილება საკრებულოს დღევანდელ სხდომაზე მიიღეს.

თბილისის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის ლევან ჟორჟოლიანის განმარტებით, წლების განმავლობაში სარეკრეაციო სივრცეში მდებარე მიწის ნაკვეთები იყიდებოდა, თან მშენებლობის უფლებით, რაც კატეგორიულად დაუშვებელია.

„ეს არის სარეკრეაციო ზონა, რომელსაც განსაკუთრებული მნიშვნელობა აქვს არა მხოლოდ იმ უბნისთვის, არამედ მთელი ქალაქისთვის. ჩვენი ადმინისტრაციის პირობებში მონაცვლეობის გზით ამ მიწების გამოსყიდვა დავიწყეთ.

დღევანდელ სხდომაზე მიღებული გადაწყვეტილებით კი 12 ათასი კვ.მ მიწის ნაკვეთი, რომელიც არის სრულად გამწვანებული და ეკუთვნის დიღმის ტყე-პარკის ცენტრალურ ნაწილს ქალაქის საკუთრებაში გადავიდა“,- აცხადებს ლევან ჟორჟოლიანი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს