ოთარ შამუგია საერთაშორისო ორგანიზაციის „სოფლის მეურნეობაში ახალი საზღვრების დადგენა“ (CNFA) პრეზიდენტს და ვიცე-პრეზიდენტს შეხვდა

გარემოს დაცვისა და სოფლის მეურნეობის მინისტრი ოთარ შამუგია საერთაშორისო ორგანიზაციის „სოფლის მეურნეობაში ახალი საზღვრების დადგენა“ (CNFA) პრეზიდენტ სილვან როის და ვიცე-პრეზიდენტ შერილ კოვენს შეხვდა.

გარემოს დაცვისა დასოფლის მეურნეობის სამინისტროს ინფორმაციით, ოთარ შამუგიამ CNFA-ის პრეზიდენტს აქტიური მხარდაჭერისთვის მადლობა გადაუხადა და ქვეყანაში სოფლის მეურნეობის განვითარების ხელშემწყობ პროგრამებზე ისაუბრა. მინისტრმა CNFA-ის ახალ პროგრამაზე „ამერიკის შეერთებული შტატების საერთაშორისო განვითარების სააგენტოს (USAID) ძლიერი სოფლის პროგრამა“ გაამახვილა ყურადღება, რომელიც საოკუპაციო ხაზთან მდებარე სოფლების განვითარებას და ადგილობრივი მოსახლეობისთვის სოციალური კეთილდღეობის გაუმჯობესებას ისახავს მიზნად. პროგრამა საქართველოს რეგიონებში გაზრდის სოციალურ-ეკონომიკურ აქტივობებს, მხარს დაუჭერს რეგიონულ და ეროვნულ ბაზრებზე კავშირების დამყარებას, უზრუნველყოფს გენდერულ თანასწორობას, ქალებისა და ახალგაზრდების გაძლიერებას.

ოთარ შამუგიამ შეხვედრაზე ხარისხიანი ხორბლის წარმოების და ქართული ღვინის ამერიკულ ბაზარზე პოპულარიზაციის პრიორიტეტულობას გაუსვა ხაზი. როგორც მინისტრმა აღნიშნა, ქვეყანაში ხარისხიანი და კონკურენტუნარიანი პროდუქციის წარმოებისთვის, განსაკუთრებით მნიშვნელოვანია ცოდნის გაზიარება და თანამედროვე ტექნოლოგიების დანერგვა.

სილვან როიმ შეხვედრაზე განაცხადა, რომ CNFA მხარს დაუჭერს საქართველოს ღვინის ამერიკის ბაზარზე დივერსიფიკაციის კუთხით. ასევე, კვლავ გაგრძელდება წარმოებაში საერთაშორისო სერტიფიცირების მიმართულებით მხარდაჭერა, ხელი შეეწყობა ქვეყანაში წარმოების შესაძლებლობების ზრდას, ეფექტიანობას და საერთაშორისო სტანდარტების ხარისხს. USAID-ის მხარდაჭერა შესაძლებლობას მისცემს მწარმოებლებსა და გადამმუშავებლებს თანამედროვე წარმოების, გადამუშავების, დასაწყობების და სადისტრიბუციო ტექნიკის საშუალებით, გაზარდონ დამატებითი ღირებულება და დაამყარონ ადგილობრივი და საერთაშორისო საბაზრო კავშირები.

შეხვედრაზე საქართველოს სოფლის მეურნეობის დარგის განვითარებისთვის საერთაშორისო და დონორი ორგანიზაციების მხარდაჭერის და მსოფლიო გამოცდილების გაზიარების მნიშვნელობას გაესვა ხაზი.

შეხვედრას გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, USAID-ის სოფლის მეურნეობის პროგრამის ხელმძღვანელი ლუიზა ნამიჩეიშვილი, USAID-ის სოფლის მეურნეობის პროგრამის ტექნიკური დახმარების ხელმძღვანელი დავით შერვაშიძე და სამინისტროს სისტემაში შემავალი შესაბამისი უწყებების წარმომადგენლები ესწრებოდნენ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა