ტყის პირველი ეროვნული აღრიცხვის შესახებ შეხვედრა გაიმართა

გარემოს დაცვისა და სოფლის მეურნეობის სამინისტროში ტყის პირველი ეროვნული აღრიცხვის შესახებ სამუშაო შეხვედრა გაიმართა.

უწყების მიერ გავრცელებული ინფორმაციით, შეხვედრის ფარგლებში, ადგილობრივმა და მოწვეულმა საერთაშორისო ექსპერტებმა, საკუთარი ქვეყნების მაგალითზე, ერთმანეთს გამოცდილება გაუზიარეს როგორც ტყის მდგრადი მართვის და სტრატეგიული გადაწყვეტილების მიღების პროცესში ტყის ეროვნული აღრიცხვის მნიშვნელობის შესახებ, ასევე, ტყის სექტორში არსებული თანამედროვე ტექნოლოგიების დანერგვის კუთხით.

„ტყის ეროვნული აღრიცხვა საქართველოსა და სამხრეთ კავკასიის რეგიონში პირველად განხორციელდა. შეფასდა საქართველოს ტყეების ხარისხობრივი და რაოდენობრივი მახასიათებლები, რაც მნიშვნელოვან მონაცემებს წარმოადგენს სატყეო პოლიტიკის განსაზღვრისთვის.

ტყის ეროვნული აღრიცხვა გერმანიის მთავრობის ფინანსური მხარდაჭერით, საქართველოს გარემოს დაცვისა და სოფლის მეურნეობის სამინისტროსა და გერმანიის საერთაშორისო თანამშრომლობის საზოგადოების (GIZ) მიერ ერთობლივი ძალისხმევით განხორციელდა.

შეხვედრა წარმოადგენდა ტყის ეროვნული აღრიცხვის შედეგების შესახებ საერთაშორისო კონფერენციის დასკვნით ნაწილს, რომელიც ჩატარდა სატყეო სექტორის რეფორმის მხარდაჭერის პროექტის - ECO.Georgia-ს ფარგლებში.

პროექტი ECO.Georgia დაფინანსებულია კლიმატის მწვანე ფონდის, საქართველოს, გერმანიის და შვეიცარიის მთავრობების მიერ“, - ნათქვამია გამოქვეყნებულ ინფორმაციაში.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა