ბსუ-ს ადმინისტრაციის ხელმძღვანელი მერაბ დიასამიძე გახდა

ბათუმის შოთა რუსთაველის სახელმწიფო უნივერსიტეტში ადმინისტრაციის ხელმძღვანელის არჩევნები ჩატარდა. კენჭისყრაში მონაწილეობის მისაღებად საარჩევნო კომისიას რეგისტრაციისათვის ერთმა კანდიდატმა - მერაბ დიასამიძემ მიმართა.

როგორც ბსუ-ს მიერ გავრცელებულ ინფორმაციაშია აღნიშნული, მერაბ დიასამიძე ბსუ-ს სასწავლო პროცესის დეპარტამენტის ხელმძღვანელი და ტურიზმის ფაკულტეტის ასოცირებული პროფესორია. ადმინისტრაციის ხელმძღვანელობის კანდიდატმა ბსუ-ს აკადემიურ და წარმომადგენლობით საბჭოებს სამოქმედო გეგმა წარუდგინა და დასმულ შეკითხვებს უპასუხა.

„აკადემიურმა საბჭომ განიხილა უნივერსიტეტის ადმინისტრაციის ხელმძღვანელის თანამდებობაზე მერაბ დიასამიძის კანდიდატურა და ფარული კენჭისყრით, სიითი შემადგენლობის უმრავლესობით (10 ხმით) წარმომადგენლობით საბჭოს წარუდგინა დასამტკიცებლად. ფარული კენჭისყრით, სიითი შემადგენლობის უმრავლესობით (16 ხმით) მასვე დაუჭირეს მხარი წარმომადგენლობითი საბჭოს წევრებმა.

ადმინისტრაციის ხელმძღვანელის უფლებამოსილების ვადა 4 წელია. იგი არის უნივერსიტეტის უმაღლესი ადმინისტრაციული მმართველი ფინანსური, მატერიალური და ადამიანური რესურსების სფეროში, რომელიც წარმოადგენს უნივერსიტეტს საფინანსო-ეკონომიკურ ურთიერთობებში.

ბსუ-ში ადმინისტრაციის ხელმძღვანელის თანამდებობას 2021 წლის 28 ივნისიდან ნიკა ჩხარტიშვილი იკავებდა. ნიკა ჩხარტიშვილმა წარმომადგენლობით საბჭოს განცხადებით მიმართა დაკავებული ადმინისტრაციული თანამდებობიდან გათავისუფლების შესახებ. წარმომადგენლობითმა საბჭომ დააკმაყოფილა განცხადება, რის შედეგად აკადემიურმა საბჭომ ადმინისტრაციის ხელმძღვანელის არჩევნები გამოაცხადა“, - ნათქვამია გავრცელებულ ინფორმაციაში.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს