IRI - გამოკითხულთა 33% არავითარ შემთხვევაში ხმას არ მისცემდა „ერთიან ნაციონალურ მოძრაობას“, ხოლო „ქართულ ოცნებას“ 30%
საერთაშორისო რესპუბლიკური ინსტიტუტის (IRI) მიერ ჩატარებული საზოგადოებრივი აზრის კვლევის თანახმად, გამოკითხულ მოქალაქეთა 33% არავითარ შემთხვევაში ხმას არ მისცემდა „ერთიან ნაციონალურ მოძრაობას“, ხოლო 30% არავითარ შემთხვევაში ხმას არ მისცემდა „ქართული ოცნებას“.
კითხვაზე, რომელ პარტიებს არ მისცემდით ხმას არავითარ შემთხვევაში, რესპონდენტებს უფლება ჰქონდათ გაეცათ სამამდე სპონტანური პასუხი.
გამოკითხულ მოქალაქეთა პასუხები აღნიშნულ კითხვაზე შემდეგნაირად გამოიყურება:
- ერთიანი ნაციონალური მოძრაობა - 33%
- ქართული ოცნება - დემოკრატიული საქართველო - 30%
- პატრიოტთა ალიანსი - დავით თარხან-მოურავი და ირმა ინაშვილი - 18%
- კონსერვატიული მოძრაობა - ალტ-ინფო - 15%
- ევროპული საქართველო - გიგა ბოკერია - 14%
- გირჩი - მეტი თავისუფლება - ზურაბ გირჩი ჯაფარიძე - 12%
- გირჩი - 12%
- ლეიბორისტული პარტია - შალვა ნათელაშვილი - 8%
- დროა - ელენე ხოშტარია - 7%
- ლელო - 6%
- სტრატეგია აღმაშენებელი - გიორგი ვაშაძე - 5%
- მოქალაქეები - ალეკო ელისაშვილი - 5%
- საქართველოსთვის - გიორგი გახარია - 4%
- რესპუბლიკური პარტია - ხათუნა სამნიძე - 2%
- თავისუფალი დემოკრატები - თამარ კეკენაძე - 1%
- ხალხისთვის - ანა დოლიძე - 1%
- სხვა - <1%
- არც ერთი - 12%
- არ ვიცი - 10%
- უარი პასუხზე - 5%
„საერთაშორისო რესპუბლიკური ინსტიტუტის” (IRI) კვლევა ჩატარდა 2022 წლის 13 სექტემბერი - 2 ოქტომბრის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა IPM-ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 74 %. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.
