„ლუკა პოლარე“ „თიბისის“ მხარდაჭერით, საქართველოში პირველ ჯელატოს საწარმოს ააშენებს

„ლუკა პოლარე“ „თიბისის“ მხარდაჭერით, საქართველოში პირველ ჯელატოს საწარმოს ააშენებს. აღნიშნულ ინფორმაციას „თიბისი“ ავრცელებს.

კაფე-სანაყინე „ლუკა პოლარე“ ის ადგილია, რომელსაც ჯელატოს ნაყინის მოყვარულები უკვე 14 წელიწადია, ზამთარ-ზაფხულ უდიდესი სიამოვნებით სტუმრობენ, არა მხოლოდ ნაყინის, არამედ უგემრიელესი ყავისა და ნამცხვრების დასაგემოვნებლად ან, უბრალოდ, სასიამოვნო ატმოსფეროში დროის გასატარებლად. „თიბისის“ მხარდაჭერით, „ლუკა პოლარე“ გეგმავს ახალი, იტალიური და გერმანული დანადგარებით აღჭურვილი დიდი საწარმოს აშენებას, სადაც ჯელატოს ხაზის კიდევ უფრო მეტი გემოსა და რაოდენობის ნაყინი დამზადდება.

„თიბისის“ მხარდაჭერით, საქართველოში პირველი ჯელატოს საწარმოს ასაშენებლად მიწა უკვე შესყიდული გვაქვს, ამ ეტაპზე მიმდინარეობს მშენებლობის დაგეგმვა. ეს იქნება დაახლოებით 1500 კვ. მეტრამდე შენობა, რომლის აშენებასა და გამართვას 2 წელიწადი დასჭირდება და რომელიც დააკმაყოფილებს გაზრდილ მოთხოვნას. საწარმოში დასაქმდებიან პროფესიონალები, რომლებსაც ამ სფეროში თავად ვამზადებთ ადგილზე,“ - ამბობს კაფე-სანაყინე „ლუკა პოლარეს“ დირექტორი, რატიელ მახარაძე.

„ლუკა პოლარეს“ ისტორია 2008 წელს, თბილისში, 20 კვ.მეტრში განთავსებული 15 სახეობის ჯელატოთი დაიწყო. დაარსების დღიდან, დამფუძნებლებმა მთავარ მიზნად მაღალი ხარისხის ჯელატოს ხაზის ნაყინი წარმოება-გაყიდვა და მომხმარებლის კმაყოფილებაზე, მათ მოთხოვნებზე ორიენტირებულება დაისახეს. სწორედ ეს ორი ფაქტორი მიაჩნიათ დღემდე „ლუკა პოლარეს“ პოპულარობის მიზეზად, რაც უამრავ ერთგულ მომხმარებელზეც აისახება.

დღეისათვის „ლუკა პოლარე“ მომხმარებელს თბილისის, ბათუმის, ქობულეთისა და რუსთავის 20 ფილიალში 100-ზე მეტი დასახელების პროდუქციას სთავაზობს. იტალიური ტექნოლოგიით, ნატურალური რძისგან და ხილისგან დამზადებული, მათ შორის ვეგანური, გლუტენისგან თავისუფალი თუ დიაბეტური ჯელატოს გარდა, მომხმარებელს კაფეს მყუდრო, კომფორტულ სივრცეში უკვე „ლუკას“ საყოველთაოდ ცნობილი ყავის, ჩაის, ცხელი შოკოლადის, ფრეშის, სალათების, სენდვიჩებისა თუ პურ-ფუნთუშეულის მრავალფეროვნებაც ხვდება. ამას ემატება მუდამ კეთილგანწყობილი, მზრუნველი და მეგობრული პერსონალი. ყველაფერი ერთად კი „ლუკა პოლარეს“ საყვარელ კაფე-სანაყინედ აქცევს“,-აღნიშნულია ინფორმაცაიში.

„ჩვენ გვყავს გუნდი, რომლებსაც ჩვენი მომხმარებელი „ლუკას“ მიღმა, ქუჩაში ყოველთვის სიამოვნებით და ღიმილით ესალმება. ეს ძალიან მნიშვნელოვანი მიღწევაა, ამიტომ, პერსონალის შერჩევას და შემდეგ მათთვისაც სასიამოვნო სამუშაო გარემოს შექმნასაც დიდ მნიშვნელობას ვანიჭებთ. ისინი ქმნიან „ლუკა პოლარეს“ სახელს - გარემოს, განწყობას, სივრცეს, სადაც თავი კომფორტულად უნდა იგრძნო, ანუ ადგილს, სადაც შეიძლება შენი ცხოვრება ცოტა ხნით დააპაუზო, ადგილს, რომელსაც უკვე უამრავი მუდმივი მომხმარებელი ჰყავს. მომხმარებლის სურვილები და მათგან წამოსული უკუკავშირი ჩვენს მუდმივ განვითარებას განაპირობებს. ვცდილობთ, არ გამოგვრჩეს მათი და დროის მოთხოვნები და შესაბამისად, ყოველწლიური სიახლეებით ვამდიდრებთ ჩვენს სივრცეს, იგულისხმება როგორც გემოები, ასევე მომსახურების ფორმალური მხარეებიც,“ - ამბობს ტარიელ მახარაძე.

„თიბისის“ ცნობით, ახალი საწარმოს მშენებლობის დაგეგმვის პარალელურად, დამფუძნებლები „ლუკა პოლარეს“ სამომავლო „ფრენჩაიზინგის“ გეგმაზეც მუშაობენ, რაც კიდევ ერთხელ ადასტურებს „ლუკას“ თავდაპირველ სტრატეგიას - მუდმივი სწრაფვა სიახლეებისკენ და რაც შეიძლება მეტი კმაყოფილი მომხმარებელი „ლუკა პოლარეში“, ანუ ადგილზე, სადაც შეგიძლია ცხოვრება ცოტა ხნით დააპაუზო.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ