გაერთიანებული წყალმომარაგების კომპანია გურიაში უწყვეტი წყალმომარაგების უზრუნველსაყოფად 125 მლნ ლარამდე ღირებულების პროექტებს ახორციელებს

გაერთიანებული წყალმომარაგების კომპანია გურიაში უწყვეტი წყალმომარაგების უზრუნველსაყოფად, 125 მლნ. ლარამდე ღირებულების პროექტებს ახორციელებს, რომელთა დასრულების შემდეგაც, 35 000-მდე ბენეფიციარი უწყვეტი, 24 საათიანი წყალმომარაგებით უზრუნველყოფილი იქნება. ინფორმაციას ამის შესახებ გაერთიანებული წყალმომარაგების კომპანია ავრცელებს.

მათივე ცნობით, ლანჩხუთისა და ოზურგეთის მუნიციპალიტეტის სოფლებში უწყვეტი წყალმომარაგებისთვის საჭირო სამშენებლო სამუშაოები აქტიურ ფაზაშია და მისი დასრულება 2023 წლის ზაფხულისთვის იგეგმება.

„წყალმომარაგების კომპანიის დირექტორი ალექსანდრე თევდორაძე მოადგილეებთან ერთად სამუშაო ვიზიტით გურიის რეგიონს ესტუმრა. კომპანიის ხელმძღვანელობამ გურიის რეგიონში სახელმწიფო რწმუნებულთან გიორგი ურუშაძესთან, ოზურგეთის მერთან ავთანდილ თალაკვაძესთან, ლანჩხუთის მერთან ალექსანდრე სარიშვილთან და ადგილობრივი ხელისუფლების სხვა წარმომადგენლებთან ერთად, რეგიონში მიმდინარე საპროექტო-სამშენებლო სამუშაოები მოინახულა.

მიმდინარე პროექტების მიხედვით გათვალისწინებულია, წყალმომარაგების ქსელის, ჭაბურღილის, სატუმბო სადგურისა და აღრიცხვის კვანძების მოწყობა.

ლანჩხუთისა და ოზურგეთის მუნიციპალიტეტის სოფლებში უწყვეტი წყალმომარაგებისთვის საჭირო სამშენებლო სამუშაოები აქტიურ ფაზაშია და მისი დასრულება 2023 წლის ზაფხულისთვის იგეგმება.

გურიის რეგიონში მიმდინარე პროექტების დასრულების შემდეგ 35 000-მდე ბენეფიციარი უწყვეტი, 24 საათიანი წყალმომარაგებით იქნება უზრუნველყოფილი.

თანამედროვე სტანდარტების შესაბამისი ინფრასტრუქტურის მოსაწყობად სამუშაოები სახელმწიფო ბიუჯეტიდან ფინანსდება და ჯამში, რეგიონის უწყვეტ წყალმომარაგებას 125 მლნ. ლარამდე მოხმარდება,“ - აღნიშნულია გავრცელებულ ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ