„საქართველოს რკინიგზა“ გენდერულ საკითხებზე მუშაობას ევროპის რეკონსტრუქციისა და განვითარების ბანკის მხარდაჭერით იწყებს

საქართველოს რკინიგზა“ და სარკინიგზო ტრანსპორტის კოლეჯი ევროპის რეკონსტრუქციისა და განვითარების ბანკის (EBRD) მხარდაჭერით ახალი ინიციატივის განხორციელებას იწყებენ. ინფორმაციას „საქართველოს რკინიგზა“ ავრცელებს.

მათივე ცნობით, პროექტის მიზანი რკინიგზის სექტორში თანაბარი შესაძლებლობებისა და ქალთა გაძლიერების ხელშეწყობაა. პრეზენტაცია სატრანსპორტო და საგანმანათლებლო სფეროში ჩართული პარტნიორების მონაწილეობით გაიმართა. ღონისძიებაზე სიტყვით საქართველოს რკინიგზის გენერალური დირექტორი, დავით ფერაძე გამოვიდა.

,,თანაბარი შესაძლებლობები საქართველოს რკინიგზის სექტორში და ახალგაზრდების ტექნიკური უნარების გაძლიერება“ ორწლიანი პროექტია, რომლის ფარგლებშიც შეიქმნება როგორც ახალი, ასევე, განახლდება სარკინიგზო ტრანსპორტის კოლეჯის არსებული პროფესიული მოკლევადიანი საგანმანათლებლო პროგრამები.

გარდა ამისა, საქართველოს რკინიგზაში გენდერული თანასწორობის პრინციპების უკეთ გატარების მიზნით შემუშავდება გენდერულად მგრძნობიარე ადამიანური რესურსების მართვის პოლიტიკა და პროცედურები. თანაბარი შესაძლებლობების სამოქმედო გეგმაში კი აისახება ყველა ის ნაბიჯი, რომელსაც კომპანია გადადგამს გენდერული თანასწორობის გასაუმჯობესებლად.

პროექტი ევროპის რეკონსტრუქციისა და განვითარების ბანკის (EBRD) მიერ დაფინანსებული რკინიგზის მოდერნიზაციის პროგრამის ნაწილია და მას ფრანგული კომპანია, AETS განახორციელებს, უცხოელი და ადგილობრივი ექსპერტების მონაწილეობით“,- აღნიშნულია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს