ბსუ-ში ვირჯინიის უნივერსიტეტის სამეცნიერო საქმიანობის კომერციალიზაციის ცენტრის დირექტორმა ტრენინგი ჩაატარა

ბათუმის შოთა რუსთაველის სახელმწიფო უნივერსიტეტში ვირჯინიის უნივერსიტეტის სამეცნიერო საქმიანობის კომერციალიზაციის ცენტრის დირექტორმა, უნივერსიტეტის ვიცე- პრეზიდენტმა რიჩარდ ნადარმა ტრენინგი ჩაატარა.

ბათუმის შოთა რუსთაველის სახელმწიფო უნივერსიტეტის ცნობით, ტრენინგი მოიცავდა ისეთ აქტუალურ საკითხებს, როგორიცაა: კვლევის სტრატეგიული დაგეგმვის ჩარჩო დოკუმენტი, ტრანსდისციპლინური, ინტერდისციპლინური, მულტიდისციპლინური კვლევა, კვლევის ზეგავლენა, კვლევის პორტფოლიოს შექმნა.

„პროფესორმა რიჩარდ ნადარმა მსმენელებს გაუზიარა ამერიკული საერთაშორისო სამეცნიერო ცენტრებისა და დაფინანსების წყაროების გამოცდილება, ესაუბრა პარტნიორობის შემადგენელ ელემენტებზე, კვლევის პრიორიტეტულ მიმართულებებსა და კომერციალიზაციაზე.

ტრენინგი „უნივერსიტეტების შესაძლებლობების განვითარების პროგრამის“ ფარგლებში ჩატარდა. პროექტს „საერთაშორისო განათლების ამერიკული საბჭოები“ საქართველოში, აშშ-ის საელჩოს ფინანსური მხარდაჭერით ახორციელებს. პროგრამა მიზნად ისახავს საქართველოს უმაღლეს საგანმანათლებლო დაწესებულებებში სამეწარმეო კულტურის განვითარებას, ტექნოლოგიების კომერციალიზაციის პროცესის ხელშეწყობასა და უნივერსიტეტების, ბიზნესისა და სამთავრობო სტრუქტურების თანამშრომლობის გაძლიერებას.

პროექტი ორ ეტაპად ხორციელდება, პირველ ეტაპზე პროექტის ფარგლებში აშშ-ში გამართული სასწავლო ვიზიტის დროს მონაწილეებს საშუალება ჰქონდათ, გაცნობოდნენ ამერიკულ უნივერსიტეტებში ინოვაციებისა და ტექნოლოგიების მართვის, ტექნოლოგიების გადაცემის, მეწარმეობის ხელშეწყობის მიდგომებს და გაეგოთ მეტი კვლევის კომერციალიზაციის შესახებ. პროექტის მეორე ეტაპი მოიცავდა ამერიკელი ექსპერტების ტრენინგებს უმაღლეს საგანმანათლებლო დაწესებულებებში”,- აღნიშნულია ინფორმაციაში.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ