„თიბისის“ მხარდაჭერით, „ბესტი ჯგუფი“ ბეტონისა და ბეტონის ნაკეთობების ქარხანას აშენებს

„თიბისის” მხარდაჭერით, „ბესტი ჯგუფი“ ბეტონისა და ბეტონის ნაკეთობების ქარხანას აშენებს, რომლითაც იგი კიდევ უფრო მაღალი ხარისხის პროდუქციას შესთავაზებს მომხმარებლებს.

„თიბისის” მიერ გავრცელებული ინფორმაციით, „ბესტი ჯგუფის“ ისტორია 2012 წლიდან იწყება.

მათივე ცნობით, კომპანია უკვე ათი წელია, ბეტონის სამრეწველო იატაკებს აწყობს და ამ სფეროში მომსახურების მაღალ სტანდარტებს ამკვიდრებს.

„ჩვენმა გუნდმა ბეტონის სამრეწველო იატაკებზე მუშაობა ბესტი ჯგუფის დაარსებამდე ბევრად ადრე დაიწყო. 2010 წლიდან კი დავაარსეთ კომპანია, რომელმაც უკვე ასობით პროექტი განახორციელა მთელი საქართველოს მასშტაბით”, - ამბობს „ბესტი ჯგუფის“ დამფუძნებელი, მალხაზ კოხრეიძე.

„ბესტი ჯგუფმა“ თავდაპირველად საქმიანობა მხოლოდ ბეტონის სამრეწველო იატაკების მოწყობით დაიწყო, თუმცა მას უკვე ათზე მეტი სერვისი შეემატა, მათ შორისაა იატაკის მოჭიმვა, ბეტონის იატაკის პოლირება და განახლება, დეკორატიული, ბეჭდური თუ კენჭოვანი იატაკის მოწყობა, ტექნიკის გაქირავება და სხვა. ამჯერად კი, ხარისხის გაუმჯობესების მიზნით, მუშაობა ბეტონის საწარმოზე დაიწყეს, სადაც სპეციალურად იატაკისთვის შესაბამის ბეტონს მოამზადებენ, ასევე გამოუშვებენ სხვადასხვა სახის ნაკეთობას - ბორდიურებს, სამშენებლო ბლოკებს, ტროტუარების მოსაწყობ ფილებს და სხვა.

„ათწლიანმა მუშაობამ და გამოცდილებამ გვიჩვენა, რომ შეიძლება დანერგო კარგი პრაქტიკა, იმუშაო თავდაუზოგავად, მაგრამ მასალის ხარისხი მაინც ყველაზე მნიშვნელოვანია. კონკრეტულად იატაკების მოწყობის შემთხვევაში კი, ჩვენ დამოკიდებული ვიყავით სხვა კომპანიების მიერ მოწოდებულ ბეტონზე. ისინი, მართალია, მაღალი დონის ბრენდებია, მაგრამ ჩვენს სამრეწველო იატაკებს სჭირდებათ ზედმიწევნით ხარისხიანი პროდუქტი, ამიტომაც გადავწყვიტეთ, მიგვემართა „თიბისი“ ბანკისთვის, აგვეღო სესხი და დაგვეწყო საკუთარ ბეტონის ქარხანაზე მუშაობა”, - აღნიშნავს მალხაზ კოხრეიძე.

„ბესტი ჯგუფის“ დამფუძნებელი განმარტავს, რომ ბეტონის ხარისხს მისი შემადგენელი კომპონენტები განსაზღვრავს, კონკრეტულად იატაკებისთვის სპეციალურად შერჩეული ქვიშაა საჭირო.

“ჩვენი კონკურენტებიც დაგვეთანხმებიან, რომ ბაზაზე არსებული ბეტონით ხშირად არ გამოდის ისეთი იატაკი, როგორიც საჭიროა - ქვიშა უნდა იყოს ერთგვაროვანი და თუ ასე არაა, იატაკის ხარისხის დონე ქვეითდება. საკუთარი ბეტონის ქარხანა კი საშუალებას მოგვცემს, რომ არა მხოლოდ ჩვენ ვაკეთოთ მაღალი ხარისხის ბეტონის იატაკები, არამედ ამ სფეროში მომუშავე სხვა კომპანიებმაც ისარგებლონ ამ შესაძლებლობით”, - აცხადებს კოხრეიძე.

აღსანიშნავია, რომ ქარხნის მშენებლობა უკვე დაწყებულია, იანვარ-თებერვალში იგი საჭირო დანადგარებით აღიჭურვება, სრული დატვირთვით კი მარტიდან ამუშავდება.

ჯგუფის გუნდი ათი წლის განმავლობაში 20 ადამიანიდან 120-მდე გაიზარდა, ქარხნის გახსნის შემდეგ კი კომპანია კიდევ 50-მდე ადამიანს დაასაქმებს.

„ბესტი ჯგუფი“ პროექტებს მთელი საქართველოს მასშტაბით ახორციელებს. მათ შორის აღსანიშნავია პროექტები საბაჟო-გამშვებ პუნქტებზე, სავაჭრო ცენტრებში, ბენზინგასამართ სადგურებზე და სხვა. მისი პორტფელი მოიცავს კომპანიებს, როგორებიცაა: აქსის თაუერი, აგროჰაბი, რუსთავის სერვის სამსახურები, კარფური, გასტრონომი, ბრედფილდის საწარმო, სითი მოლი, რუსთავი მოლი, სარაჯიშვილი, შატო მუხრანი, არემჯი და სხვები.

„ბესტი ჯგუფს“ ხარისხის დამადასტურებელი არაერთი სერტიფიკატი აქვს მიღებული, ამასთან კომპანია ხშირადაა წარმოდგენილი ადგილობრივ თუ საერთაშორისო გამოფენებზე.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს