3,9 მილიარდი ევრო საქართველოს საჯარო და კერძო სექტორში მოდის -მნიშვნელოვანი ნაწილი ამ პროექტების უკვე დაიწყო და იმედი მაქვს, შემდეგ ჯერზე, როცა ჩამოვალ, უკეთეს შედეგებსაც დავინახავთ,- ამის შესახებ საქართველოს ევროპული სამეზობლო პოლიტიკისა და გაფართოების საკითხებში ევროკომისარმა, ოლივერ ვარჰეიმ ირაკლი ღარიბაშვილთან შეხვედრის შემდეგ განაცხადა.
მისივე თქმით, პარტნიორობის ერთ-ერთი მიზანია, რომ საქართველოს ეკონომიკა უფრო გამძლე გახდეს.
„ბატონმა პრემიერმა ბრძანა და დაიწყო განმარტება იმ დღის წესრიგისა, რომელიც ჩვენ ამ მიზნის განმავლობაში გაგვაჩნია, ის თუ საქართველოში როგორ დავაჩქაროთ ეკონომიკური ზრდა და ჩვენი პარტნიორობა ეკონომიკის სფეროში, რათა საქართველოს ეკონომიკა უფრო გამძლე გახდეს. ჩვენ ვახორციელებთ უმნიშვნელოვანეს პროექტებს, საიმისო გეგმა ხორციელდება. წინა ჯერზე, რომ ჩამოვედი, გამოვაცხადე, რომ 3,9 მილიარდი ევრო საქართველოს საჯარო და კერძო სექტორში მოდის. ეს არის ძალიან მნიშვნელოვანი. მიხარია, რომ ვამბობ და ვხედავ მნიშვნელოვანი ნაწილი ამ პროექტებზე უკვე დაიწყო და იმედი მაქვს შემდეგ ჯერზე როცა ჩამოვალ, უკეთეს შედეგებსაც დავინახავთ“, - განაცხადა ოლივერ ვარჰეიმ.