გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

„ენერგო-პრო ჯორჯიას“ მიერ გავრცელებული ინფორმაციით, ქსელის გეგმური სარეაბილიტაციო სამუშაოების გამო, 18 ნოემბერს 10:00-დან 18:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში: გუდაური, ქუმლისციხე, სეთურნი, ქვეშეთი, კობი და მიმდებარე სოფლებში; 12:00-დან 19:00 საათამდე აბონენტებს მცხეთაში - მუხრანის, სამხედროს, გამარჯვების, სანაპიროს, ღვინჯილიას, გორგასლის, პლატინის და მიმდებარე ქუჩებზე.

მათივე ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.