„ალდაგი“ - გურამიშვილის გამზირზე ავარიის შედეგად დაზიანებული 8 მანქანა დაზღვეული იყო, კომპანიაში ზარალს ითვლიან და ავტომობილის მესაკუთრეებისთვის ზიანის ანაზღაურება მოხდება
თბილისში, გურამიშვილის გამზირზე ერთი ავტოავარიის შედეგად დაზიანებული ავტომობილიდან 8 „ალდაგშია“ დაზღვეული. წინასწარი გათვლებით, ზარალი რამდენიმე ასეულ ათას ლარს აჭარბებს.
„არსებული ინფორმაციით, მძღოლმა მართვა დაკარგა და ერთდროულად ავტოსადგომზე მდგომი 10 ავტომობილი დააზიანა. ავტოავარიასთან დაკავშირებით მიმდინარეობს გამოძიება.
სადაზღვევო კომპანია „ალდაგში“ ზარალს ითვლიან და ავტომობილის მესაკუთრეებისთვის ზიანის ანაზღაურება უახლოეს დროში მოხდება“,- ნათქვამია „ალდაგის“ მიერ გავრცელებულ ინფორმაციაში.
