ხათუნა სამნიძე - „ხალხის ძალა“ არის „ქართული ოცნების“ შემადგენლობა, რომელიც კრემლის გზავნილებს იმეორებს

„ხალხის ძალა" არის „ქართული ოცნების“ შემადგენლობა, რომელიც იმეორებს კრემლის გზავნილებს, - ამის შესახებ ჟურნალისტებთან "რესპუბლიკური პარტიის" თავმჯდომარე ხათუნა სამნიძემ განაცხადა, რითაც არასამთავრობო სექტორზე გაკეთებულ „ხალხის ძალის“ განცხადებას გამოეხმაურა.

მისივე თქმით, არასამთავრობო სექტორზე თავდასხმა და შეზღუდვა კრემლის პოლიტიკაა.

„ნაცვლად იმისა, რომ პოლიტიკურმა ძალამ ისაუბროს ისაუბროს ქვეყანაში მიმდინარე უმნიშვნელოვანეს საკითხებზე, როგორიც არის სტატუსის მინიჭება და პრობლემებზე, რომელიც ბარიერს ქმნის ამ სტატუსის მიღებისთვის, თავს ესხმის არასამთავრობო სექტორს, ეს არის დასტური, რამდენად ერთი-ერთში იმეორებს ეს ე.წ. ძალა კრემლის გზავნილებს. არასამთავრობო სექტორზე თავდასხმა, მათი ფინანსების კონტროლი, გამოხატვის თავისუფლებაზე თავდასხმა და ამის კონტროლი, რაზეც არაერთხელ უსაუბრიათ მათ, არის დასტური, რომ ეს ე.წ. ძალა არის "ქართული ოცნების" შემადგენლობა, რომელიც იმეორებს კრემლის გზავნილებს“, - განაცხადა სამნიძემ.

ცნობისთვის, „ხალხის ძალის“ განცხადებით, „ენჯეოების“ დაფინანსება მკაცრ საკანონმდებლო ჩარჩოებში უნდა მოექცეს, რაზეც კანონპროექტს მოამზადებენ. „ხალხის ძალას“ მიაჩნია, რომ „უცხოეთიდან „ენჯეოების“ დაფინანსების არსებული პრაქტიკა საქართველოს სუვერენიტეტისთვის ბუნებრივ საფრთხეს ქმნის“.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი