19 ნოემბერს, 09:00-18:00 საათზე, „ქალთა რეაბილიტაციის ასოციაციის" და „მკვდრადშობადობის საერთაშორისო ალიანსის" ერთობლივი კონფერენცია გაიმართება თემაზე: „პერინატალური მედიცინის აქტუალური საკითხები". კონფერენციაში საქართველოს, ბრიტანეთის, აშშ-ს, და ავსტრალიის წამყვანი სპეციალისტები მონაწილეობენ.

მის: საქართველოს პარლამენტის ეროვნულ ბიბლიოთეკა, ლადო გუდიაშვილის ქ. N 7

საკონტაქტო: 599 62 11 11

19 ნოემბერს, 10:00 საათზე, თბილისის საკრებულოში აღმოსავლეთ ევროპის ცენტრი მრავალპარტიული დემოკრატიისთვის (EECMD), პროექტ „რეგიონების უზრუნველყოფა ინფორმაციით და ამომრჩეველთა გაძლიერება დემოკრატიისთვის“ ფარგლებში პროექტის სამწლიან შემაჯამებელ ღონისძიებას გამართავს. ღონისძიებას დაესწრებიან: დიპლომატიური კორპუსის, საქართველოს საერთაშორისო პარტნიორების, დონორი ორგანიზაციების, სამოქალაქო საზოგადოების, სამთავრობო სექტორის, პოლიტიკური პარტიებისა და მედიის წარმომადგენლები და პროექტის კურსდამთავრებულები საქართველოს ექვსი რეგიონიდან.

მის: თავისუფლების 2.

19 ნოემბერს, 11:00 საათზე, იაშვილის სახელობის ბავშვთა ცენტრალური საავადმყოფოს სამედიცინო დირექტორი, თსსუ-ის პროფესორი ივანე ჩხაიძე „მედიაცენტრ მთავარში" პრესკონფერენციას გამართავს.

მის: ერწოს ქ.N11.

საკონტაქტო: 599 72 65 65

19 ნოემბერს, 17:00 საათზე, კომპლექს „კინგ დევიდის“ საგამოფენო სივრცეში თანამედროვე ქართველი მხატვრების საქველმოქმედო გამოფენა-გაყიდვა გაიხსნება.

ღონისძიების ორგანიზატორები არიან: საქველმოქმედო ფონდი „ხომლი“ და ქართულ-ამერიკული უნივერსიტეტი.

მის: ალექსიძის 12.

19 ნოემბერს, 18:00 საათზე, GrlzWave წარმოგიდგენთ ექსპერიმენტულ გამოფენას ადამიანის უფლებების შესახებ, რომელსაც უსახელო გალერეა უმასპინძლებს.

მის: იუნკერთა ქუჩა 1/12