საქართველოს ტექნიკური უნივერსიტეტის გოგონათა და ვაჟთა გუნდებმა „საქართველოს უნივერსიადა 2022“-ის ფრენბურთის ჩემპიონატში გაიმარჯვეს

საქართველოს ტექნიკური უნივერსიტეტის გოგონათა და ვაჟთა გუნდებმა „საქართველოს უნივერსიადა 2022“-ის ფრენბურთის ჩემპიონატში ღირსეულად იასპარეზეს და გამარჯვებულის ტიტული მოიპოვეს.

სტუ-ის გოგონათა გუნდმა ფინალურ შეხვედრაში საქართველოს უნივერსიტეტს სძლია, ხოლო სტუ-ის ვაჟთა გუნდმა თსუ-ს მოუგო. ამის შესახებ ინფორმაციას საქართველოს ტექნიკური უნივერსიტეტი ავრცელებს.

„საქართველოს უნივერსიადა 2022“-ის ფარგლებში, კალათბურთის ჩემპიონატის ფინალისტის ვინაობა დღეს გაირკვევა. ფინალურ თამაშში საქართველოს ტექნიკური უნივერსიტეტის გუნდი მეტოქეობას თავისუფალი და აგრარული უნივერსიტეტის გუნდს გაუწევს.

„ამ ეტაპისთვის უკვე დასრულებულია „საქართველოს უნივერსიადა 2022“-ის ტურნირები საუნივერსიტეტო სპორტის სხვადასხვა სახეობაში. საქართველოს ტექნიკური უნივერსიტეტის სტუდენტებმა წარმატებით იასპარეზეს და გამარჯვება მოიპოვეს ინდივიდუალურ და გუნდურ ტურნირებში 34 უმაღლეს საგანმანათლებლო დაწესებულების გუნდებს შორის: ქართულ ჭიდაობაში, 90 კგ წონით კატეგორიაში პირველ ადგილზე გავიდა თამაზ ჯახაშვილი, II და III ადგილებზე - შოთა მეტრეველი და ემილ რაჰიმოვი (66 კგ) / გუნდური - II ადგილი; სამბოში: I ადგილი - სერგო გოგიშვილი (98 კგ), II ადგილი - დავით გოდერძიშვილი (71კგ) და ემილ რაჰიმოვი (64კგ); III ადგილი - თენგიზ გერმისაშვილი (79 კგ), შოთა მეტრეველი და ლუკა შუშაბერიძე (71კგ) / გუნდური - II ადგილი; ნარდში: III ადგილი - გიორგი ბარბაქაძე და მარი მელაძე. ბილიარდში: გუნდური II ადგილი; ბოულინგი: გუნდური III ადგილი; ძიუდოში: - I ადგილი - თამაზ ჯახაშვილი (+100 კგ), მიხეილ ბექაური (100 კგ) და ლუკა ადიკაშვილი (66 კგ); III ადგილი - თენგიზ გერმისაშვილი (81 კგ) და ემილ რაჰიმოვი (60 კგ) / გუნდური - I ადგილი”, - აღნიშნულია სტუ-ს მიერ გავრცელებულ ინფორმაციაში.

უნივერსიტეტის რექტორი, პროფესორი დავით გურგენიძე სტუდენტ გოგონებსა და ვაჟებს სპორტულ ტურნირებში გამარჯვებას ულოცავს. რექტორის განცხადებით, უნივერსიტეტის საიუბილეო წელს, „საქართველოს უნივერსიადა 2022“-ში სტუდენტური გუნდების გამარჯვება ერთ-ერთი ღირსახსოვარი მოვლენაა.

„უპირველეს ყოვლისა, მინდა ყველა ახალგაზრდასა და უნივერსიტეტს მივულოცო წლევანდელ უნივერსიადაში მონაწილეობა და მოპოვებული წარმატება. სპორტის პოპულარიზაცია საუნივერსიტეტო ცხოვრების ერთ-ერთი მნიშვნელოვანი მიმართულებაა. მადლობას ვუხდით საქართველოს საუნივერსიტეტო სპორტის ფედერაციას, საქართველოს კულტურის, სპორტისა და ახალგაზრდობის სამინისტროს ამ გრანდიოზული სტუდენტური შეჯიბრის ორგანიზებისთვის, რომელიც უამრავ ახალგაზრდას აერთიანებს და ხელს უწყობს მათ ჩართულობას სპორტულ-გამაჯანსაღებელ აქტივობებში. უნივერსიტეტის ადმინისტრაციის სახელით, განსაკუთრებით ვულოცავთ ჩვენს სტუდენტებს, ფრენბურთელ გოგონებსა და ვაჟებს, რომლებმაც ასე გაგვახარეს და ღირსეული წარმატება მოუტანეს საქართველოს ტექნიკურ უნივერსიტეტს იმით, რომ „უნივერსიადა 2022“-ის გამარჯვებულები გახდნენ; ვულოცავთ ყველა ჩვენს სტუდენტ სპორტსმენს, რომელიც თავდაუზოგავად ასპარეზობდა იმ მიზნით, რომ თავისი უნივერსიტეტისთვის, საიუბილეო წელს, გამარჯვება მოეტანა. მოუთმენლად ველით, თუ რა შედეგით დაასრულებს ფინალურ თამაშს საქართველოს ტექნიკური უნივერსიტეტის საკალათბურთო გუნდი. კიდევ ერთხელ მადლობას გიხდით, ახალგაზრდებო, რომ საქართველოს ტექნიკური უნივერსიტეტის საუკუნოვან ტრადიციებს ასე ღირსეულად აგრძელებთ“, - აღნიშნავს სტუ-ის რექტორი, დავით გურგენიძე.

სტუ-ის ცნობით, სტუდენტური სპორტული შეჯიბრი - „საქართველოს უნივერსიადა 2022“, რომელიც საქართველოს საუნივერსიტეტო სპორტის ფედერაციის ორგანიზებითა და საქართველოს კულტურის, სპორტისა და ახალგაზრდობის სამინისტროს მხარდაჭერით იმართება, ფედერაციის წევრ 34 უნივერსიტეტსა და 5000 მდე სტუდენტს ერთიანებს.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება