კავკასიის საერთაშორისო უნივერსიტეტში, CIU-ს ბიზნესისა და ტექნოლოგიების ფაკულტეტის ორგანიზებით, საჯარო ლექცია გაიმართა თემაზე: "ორმაგი დაბეგვრის თავიდან აცილების ხელშეკრულებების გამოყენება და მნიშვნელობა საერთაშორისო დაბეგვრის პრაქტიკაში".

კავკასიის საერთაშორისო უნივერსიტეტის ინფორმაციით, ლექციას მოდერატორობა გაუწია ქეთევან ღამბაშიძემ - MBA, PhD(c) - გრანთ თორნთონ საქართველოს საგადასახადო მიმართულების ხელმძღვანელი, სერტიფიცირებული აუდიტორი, ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ რეგისტრირებული აუდიტორი. 17 წლიანი გამოცდილებით საგადასახადო დაბეგვრაში, ბუღალტერიაში, საგადასახადო დავებში, აუდიტში, მენეჯმენტ კონსალტინგში, ფინანსურ მენეჯმენტში და კონტროლში.

მათივე ცნობით, ტრენერმა ისაუბრა ორმაგი დაბეგვრის ხელშეკრულებების სამართლებრივ ჩარჩოზე, ხელშეკრულებების მნიშნელობასა და როლზე სახელმწიფოს ეკონომიკური თანამშრომლობის გაღრმავებასა და ინვესტიციების მოზიდვის განვითარებაში. განხილული იქნა შეთანხმებების საერთაშორისო პრაქტიკაში გამოყენების საკითხი. ასევე, განხილულ იქნა რიგი მნიშვნელვანი მუხლები და პრაქტიკული მაგალითები.