იუსტიციის სასწავლო ცენტრმა თანასწორობის კვირეული საჯარო უწყებებთან სამუშაო შეხვედრით დაასრულა

იუსტიციის სასწავლო ცენტრმა თანასწორობის კვირეული საჯარო უწყებებთან სამუშაო შეხვედრით დაასრულა. ამის შესახებ ინფორმაციას იუსტიციის სამინისტრო ავრცელებს.

უწყების ცნობით, შეხვედრაზე საჯარო სამსახურებში თანასწორობის პოლიტიკის გაძლიერებასა და გამოცდილების გაზიარების შესახებ იმსჯელეს.

„სამუშაო შეხვედრაში მონაწილეობდნენ მთავრობის ადმინისტრაციის, იუსტიციის სამინისტროს, თავდაცვის სამინისტროს, პროკურატურის, საჯარო სამსახურის ბიუროს და სხვა პარტნიორი უწყებების წარმომადგენლები.

ღონისძიება ჩატარდა თანასწორობის კვირეულის ფარგლებში, რომელიც წელს 15-22 ნოემბერს აღინიშნება. თანასწორობის კვირეულის მიზანია მრავალფეროვნებისა და თანასწორობის მნიშვნელობაზე ცნობიერების ამაღლება, ასევე, დისკრიმინაციის მსხვერპლთა ინფორმირება ხელმისაწვდომი სამართლებრივი მექანიზმების შესახებ. კვირეული აღინიშნება ტოლერანტობის საერთაშორისო დღესთან (16 ნოემბერი) დაკავშირებით და ხორციელდება საქართველოში ევროპის საბჭოს ოფისის მიერ პარტნიორ ინსტიტუტებთან, ორგანიზაციებთან და მოკავშირეებთან ერთად.

იუსტიციის სასწავლო ცენტრი თანასწორობის კვირეულში სხვა აქტივობებითაც იყო ჩართული. კერძოდ, გაიმართა საჯარო ლექცია სტუდენტებისთვის თემაზე "თანასწორობის უფლება", ასევე, ადამიანის უფლებების და თანასწორობის თემაზე ჩატარდა უფასო იურიდიული ტრენინგები გორში, თბილისსა და ახალციხეში“, - ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება