უცხოეთში მოქმედი ქართული საკვირაო სკოლების სამუშაო კონფერენცია გაიმართა

საქართველოს საგარეო საქმეთა სამინისტრომ, განათლებისა და მეცნიერების სამინისტროსთან და სახელმწიფო ენის დეპარტამენტთან ერთად, უცხოეთში მოქმედი ქართული საკვირაო სკოლების სამუშაო კონფერენციას უმასპინძლა.

საგარეო უწყების ცნობით, კონფერენციაზე ყურადღება დაეთმო უცხოეთში ქართულ ენაზე განათლების მიღების შესაძლებლობას, ქართულ საკვირაო სკოლებში სასწავლო პროცესის მიმდინარეობას, ამ მიმართულებით სახელმწიფოს მხარდაჭერას და როგორც დაგეგმილ, ისე მიმდინარე პროექტებს. ასევე, ყურადღება გამახვილდა საკვირაო სკოლების მხარდაჭერის პროგრამის ფარგლებში შექმნილი ინტეგრირებული სახელმძღვანელოების გაუმჯობესების გზებზე.

„შეხვედრის მონაწილეებს სიტყვით მიმართეს საქართველოს საგარეო საქმეთა მინისტრის მოადგილემ ვლადიმერ კონსტანტინიდიმ, საქართველოს განათლებისა და მეცნიერების მინისტრის მოადგილემ ნუნუ მიცკევიჩმა, სახელმწიფო ენის დეპარტამენტის თავმჯდომარემ გიორგი ალიბეგაშვილმა.

სიტყვით გამოსვლისას ვლადიმერ კონსტანტინიდიმ მადლობა გადაუხადა საზღვარგარეთ მოქმედი საკვირაო სკოლების ხელმძღვანელებსა და მასწავლებლებს იმ მნიშვნელოვანი საქმიანობისათვის, რომელსაც ისინი უცხოეთში მცხოვრები მოზარდი თაობისთვის მშობლიური ენის, ეროვნული და კულტურული იდენტობის შესანარჩუნებლად ეწევიან. ვლადიმერ კონსტატინიდიმ ასევე აღნიშნა საქართველოს განათლებისა და მეცნიერების სამინისტროს, სახელმწიფო ენის დეპარტამენტისა და მასწავლებელთა პროფესიული განვითარების ეროვნული ცენტრის როლი საზღვარგარეთ მოქმედ ქართულ საკვირაო სკოლებში სწავლების პროცესის, განსაკუთრებით კი ქართული ენის სწავლებისა და მისი გაუმჯობესების ხელშეწყობაში.

შეხვედრაში მონაწილეობდნენ საზღვარგარეთ მოქმედი საკვირაო სკოლის ხელმძღვანელები და მასწავლებლები შემდეგი ქვეყნებიდან: ავსტრია, აშშ, ბელარუსი, გერმანია, ესტონეთი, ირლანდია, თურქეთი, იტალია, ესპანეთი, კანადა, კვიპროსი, ნიდერლანდები, პორტუგალია, საბერძნეთი, საფრანგეთი, უკრაინა, ყაზახეთი, შვეიცარია.

საგარეო საქმეთა სამინისტროს ცნობით, მსოფლიოს სხვადასხვა ქვეყანაში 150-მდე ქართული საკვირაო სკოლაა“, - ნათქვამია გავრცელებულ ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს