საქართველოს შინაგან საქმეთა სამინისტროს სასაზღვრო პოლიციის უფროსი ოფიციალური ვიზიტით თურქეთის რესპუბლიკაში იმყოფებოდა

საქართველოს შინაგან საქმეთა სამინისტროს სასაზღვრო პოლიციის უფროსი, გენერალ-მაიორი ნიკოლოზ შარაძე, დელეგაციასთან ერთად, ოფიციალური ვიზიტით, თურქეთის რესპუბლიკაში, ანკარასა და სტამბოლში იმყოფებოდა.

შინაგან საქმეთა სამინისტროს მიერ გავრცელებული ინფორმაციით, ვიზიტის ფარგლებში, საქართველოს სასაზღვრო პოლიციის უფროსი, გენერალ-მაიორი ნიკოლოზ შარაძე შეხვდა თურქეთის რესპუბლიკის სანაპირო დაცვის სარდალს, კონტრადმირალ აჰმეთ ქენდირს. შეხვედრაზე მხარეებმა ორი ქვეყნის სასაზღვრო უწყებებს შორის არსებული თანამშრომლობის საკითხები განიხილეს და სამომავლო გეგმებზე ისაუბრეს.

„თურქეთის რესპუბლიკის სანაპირო დაცვის სარდალმა აღნიშნა, რომ საქართველოს

სასაზღვრო პოლიციის სანაპირო დაცვის დეპარტამენტისთვის სასწავლო და ტექნიკურ სფეროში დახმარება მომავალშიც გაგრძელდება. თურქულმა მხარემ ქართველი კოლეგებისთვის ცოდნისა და გამოცდილების გაზიარების თაობაზე მზადყოფნა გამოთქვა. მისი თქმით, გასული წლების მსგავსად, თურქეთის სანაპირო დაცვის სასწავლებელში ქართველი მოსამსახურეების გადამზადების პროცესიც გაგრძელდება.

სასაზღვრო პოლიციის უფროსი ნიკოლოზ შარაძე ქალაქ სტამბოლში განლაგებულ თურქეთის სანაპირო დაცვის მარმარილოს ზღვისა და სრუტეების რეგიონულ სარდალს, კონტრადმირალ თაიფუნ ფაშაოღლუს შეხვდა, სანაპირო დაცვის მცურავი საშუალებები დაათვალიერა და მათ შესაძლებლობებს ადგილზე გაეცნო.

ნიკოლოზ შარაძემ ანითქაბირის მავზოლეუმში პატივი მიაგო თურქეთის რესპუბლიკის დამაარსებლისა და ლიდერის - მუსტაფა ქემალ ათათურქის ხსოვნას და მისი საფლავი გვირგვინით შეამკო“, - აღნიშნულია გავრცელებულ ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება