გიორგი ტყემალაძე - მზიურის პარკი ფართოვდება და 18 000 კვ.მ-მდე ტერიტორია თბილისელებს უბრუნდება

მზიურის პარკი ფართოვდება, 18 000 კვ.მ-მდე ტერიტორია დედაქალაქის მუნიციპალიტეტის საკუთრებაში გადადის და თბილისელებს უბრუნდება, - ამის შესახებ თბილისის საკრებულოს თავმჯდომარემ, გიორგი ტყემალაძემ წარმომადგენლობით ორგანოში გამართულ ბრიფინგზე განაცხადა.

გიორგი ტყემალაძემ დედაქალაქის მცხოვრებლებს თბილისის მერის მიერ მიღებული გადაწყვეტილება მიულოცა და კახა კალაძეს მადლობა გადაუხადა.

„მინდა თბილისელებს მნიშვნელოვანი გადაწყვეტილება მივულოცო. მზიური ჩვენი ქალაქის მცხოვრებთათვის ერთ-ერთი საყვარელი ადგილი და მნიშვნელოვანი პარკია, რომლითაც ყველა თაობის ჩვენი თანამოქალაქე სარგებლობს. ეს არის თბილისის მერის ინიციატივა, რომელსაც ჩვენ მხარს ვუჭერთ. ხვალ, თბილისის საკრებულოს სხდომაზე, ოფიციალურად დავადასტურებთ და აღნიშნულ გადაწყვეტილებას მივიღებთ“, - განაცხადა გიორგი ტყემალაძემ.

მისივე თქმით, რამდენიმე წლის წინ განხორციელებული რეაბილიტაციის შედეგად, მზიურის პარკი ერთ-ერთი თვალსაჩინო და განსაკუთრებულად მაღალი ხარისხის დასასვენებელი სივრცე გახდა. ადგილმონაცვლეობის შემდეგ კი, როდესაც ტერიტორია თბილისის მუნიციპალიტეტის საკუთრება გახდება, შემოერთებულ სივრცეში ახალი პროექტი განხორციელდება, რაც აღნიშნულ ტერიტორიას მნიშვნელოვნად გააუმჯობესებს.

ინფორმაციას თბილისის მუნიციპალიტეტის საკრებულო ავრცელებს.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს