პარლამენტის თავმჯდომარე და საპარლამენტო დელეგაციის წევრები მადრიდში ქართული დიასპორის წარმომადგენლებს შეხვდნენ

პარლამენტის თავმჯდომარე და საპარლამენტო დელეგაციის წევრები, ესპანეთის სამეფოში ვიზიტის ფარგლებში, მადრიდში, ქართული დიასპორის წარმომადგენლებს შეხვდნენ. ამის შესახებ პარლამენტის პრესსამსახური ავრცელებს.

მათი ცნობით, შეხვედრაზე ისაუბრეს საქართველოს ევროპული და ევროატლანტიკური ინტეგრაციის პროცესზე და ამ გზაზე მიღწეულ წარმატებებზე. დიასპორის წინაშე არსებული ამოცანების შესახებ ინფორმაცია მოისმინეს და მათ სამომავლო გეგმებს გაეცნენ. საუბარი შეეხო ასევე, დიასპორის ორგანიზაციების ჩართულობას ქვეყანაში მიმდინარე პროცესებში.

საპარლამენტო დელეგაცია ესპანეთში მცხოვრები ახალგაზრდების მონაწილეობით გამართულ ღონისძიებას დაესწრო.

„ჩვენი ხელისუფლების მიდგომაა - ძლიერი დიასპორა ძლიერი საქართველოსთვის. ჩვენ მაქსიმალურად ვცდილობთ მათ ჩართულობას. როგორც მადრიდში, ასევე ბარსელონაში ჩვენ გვყავს ძლიერი მრევლი და საკვირაო სკოლები და დღეს მათმა აღსაზრდელებმა და აღმზრდელებმა საინტერესო წარმოდგენები გამართეს. მე მიხარია, რომ პარლამენტის თავმჯდომარემ დიასპორასთან შეკრების სურვილი გამოხატა. აღსანიშნავია, რომ დაუწერელ კანონად ვაქციეთ, რომ საზღვარგარეთის ქვეყნებში ვიზიტისას აუცილებლად შევხვდეთ ჩვენი დიასპორის წარმომადგენლებს", - განაცხადა დიასპორისა და კავკასიის საკითხთა კომიტეტის თავმჯდომარე, ბექა ოდიშარიამ.

ამასთან, ინფორმაციაში ნათქვამია, რომ საქართველოს საპარლამენტო დელეგაციის შემადგენლობაში, შალვა პაპუაშვილთან ერთად, ლევან იოსელიანი, დავით სონღულაშვილი, ბექა ოდიშარია, ლევან ქარუმიძე, ირმა ზავრადაშვილი და პარლამენტის თავმჯდომარის კაბინეტის უფროსი, ლევან მახაშვილი შედიან.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ