ზურაბ ბატიაშვილი რუსეთის ტერორისტულ ქვეყნად აღიარებაზე - „ქართული ოცნება“ ევროპარლამენტს იქით ადებს ვალს - ეს აჩვენებს, რამდენად არ უნდა იყო მოწყვეტილი მსოფლიოში მოვლენებს და ელემენტარულად, საერთაშორისო ურთიერთობების ანი და ბანი უნდა იცოდე

ეს კიდევ ერთხელ აჩვენებს, რამდენად არ უნდა იყო მოწყვეტილი მსოფლიოში მიმდინარე მოვლენებს და ელემენტარულად, საერთაშორისო ურთიერთობების ანი და ბანი უნდა იცოდე, - ასე ეხმიანება საერთაშორისო ურთიერთობების ექსპერტი ზურაბ ბატიაშვილი, რუსეთის ტერორისტულ სახელმწიფოდ აღიარების თაობაზე, პარლამენტის თავმჯდომარის მოადგილის, არჩილ თალაკვაძის განცხადებას.

როგორც ბატიაშვილმა „პალიტრანიუსის“ გადაცემა „ნიუსრუმში“ განაცხადა, ევროპარლამენტს იქით „დებენ ვალს“ და ცუდად ჩანს, როცა საქართველო ამ პროცესებიდან განზე დგას და არ უერთდება ცივილიზებულ მსოფლიოს.

„როცა მსოფლიოს დიდი პრობლემა ექმნება, ცივილიზებული მსოფლიო სადაც დგას, მის გვერდით უნდა იდგე, ეს არამხოლოდ ადამიანური საჭიროებაა, რომ ცივილიზებულ ადამიანებთან იდგე, არამედ პრაგმატული საჭიროებაც არის, რადგან ხვალ- ზეგ მეორადი სანქციები რეალური გახდება და თუ შენ ჩვეულებრივ გააგრძელე მასთან ბიზნესი, რომ მოდი, ახლა ღვინო გავყიდო და იქიდან ნავთობი შემოვიტანო, ეს აღარ იქნება, ამას ყველაფერს მოჰყვება თავის შედეგი, მეორადი სანქციების დაწესება გახდება უფრო მარტივი,“ - განაცხადა ბატიაშვილმა.

რაც შეეხება უშუალოდ რუსეთს, მისივე თქმით, „რუსეთი ამ ფორმით ვერ შენარჩუნდება“.

„როგორ წარმოგიდგენიათ, ტერორიზმის ხელშემწყობი სახელმწიფო შენარჩუნდეს, ათწლეულების განმავლობაში კომპენსაციის გადახდა მოუწევს რუსების ბევრ თაობას, რასაც იშოვიან უნდა გადაიხადონ უკრაინისთვის,“ - განაცხადა ბატიაშვილმა.

ცნობისათვის, „პალიტრანიუსის“ გადაცემა „თავისუფალ სტუდიაში“ პარლამენტის ვიცე- სპიკერმა არჩილ თალაკვაძემ განაცხადა, რომ საქართველომ რუსეთის ქმედებებისთვის სამართლებრივი სახელის დარქმევისთვის, საერთაშორისო სასამართლოში ბევრად ადრე იბრძოლა, ვიდრე ევროპარლამენტი რუსეთის ტერორისტულ სახელმწიფოდ აღიარების შესახებ რეზოლუციას მიიღებდა. მისივე თქმით, ევროპარლამენტს რეზოლუცია თავის დროზე რომ მიეღო, როცა საქართველოში განხორციელდა ოკუპაცია, დღეს დასავლეთი ამ პრობლემის მოგვარების გზაზე ბევრად წინ იქნებოდა.

„საქართველოს ხელისუფლებამ პუტინის რეჟიმს თავის სახელი ევროსასამართლოში დაარქვა და იქ არის უმძიმესი შეფასებები. ოკუპაცია ადამიანის უფლებების უმძიმესი დარღვევები გრძელდება ჩვენს ტერიტორიაზე და კარგია, რომ გვიან, მაგრამ მაინც ევროპარლამენტმა ამაზე რეაგირება გააკეთა“, - აღნიშნა თალაკვაძემ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს