საბჭოთა წარსულის კვლევის ლაბორატორია, საქართველოში უკრაინის და პოლონეთის საელჩოები, ფონდ „ღია საზოგადოება - საქართველოს“ მხარდაჭერით, 26 ნოემბერს, 14:00 საათზე, მწერალთა სახლში ჰოლოდომორის შესახებ კლიპის პრეზენტაციას და პანელურ დისკუსიას - ჰოლოდომორი და საბჭოთა ისტორია როგორც თანამედროვე რუსული საინფორმაციო ომის იარაღი, გამართავენ.
ღონისძიების მონაწილეებს დისტანციურ ფორმატში მიმართავს ჟურნალისტი და ისტორიკოსი ენ ეპლბაუმი, „წითელი შიმშილის,“ „რკინის ფარდის“ და „გულაგის“ ავტორი (2004 წლის პულიცერის პრემია)
უკრაინის საელჩოს მიერ გავრცელებული ინფორმაციით, დისკუსიაში, რომელსაც მოდერაციას BBC-ის კორესპონდენტი სამხრეთ კავკასიაში რეიჰან დიმიტრიე გაუწევს მონაწილეობას მიიღებენ: ვოლოდიმირ ვიატროვიჩი, უკრაინის პარლამენტის წევრი და ისტორიკოსი, უკრაინის ეროვნული მეხსიერების ინსტიტუტის დამფუძნებელი - ჰოლოდომორის უარყოფა და რუსეთის სრულმასშტაბიანი შეჭრა უკრაინაში (ონლაინ ფორმატში); ირაკლი ხვადაგიანი, სოვლაბის ბორდის თავმჯდომარე - კოლექტივიზაციის და ჰოლოდომორის ხსოვნა 21-ე საუკუნეში: საქართველოს პერსპექტივა; გიორგი კანდელაკი - პროექტის მენეჯერი, სოვლაბი: საბჭოთა ისტორიით მანიპულაცია როგორც რუსული საინფორმაციო ომის ნაკლებად ხილული იარაღი.