დღეს, რელიგიის საკითხთა სახელმწიფო სააგენტომ და საქართველოს ბაპტისტური ეკლესიების კავშირმა ჭიათურისა და საჩხერის ეპარქიის სოციალურად დაუცველი მოსახლეობისთვის, ერთობლივი საქველმოქმედო აქციის ფარგლებში, 45 შეკვრა ტანისამოსი ჩაიტანეს.

რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე, საქართველოს ბაპტისტური ეკლესიების კავშირის აღმასრულებელი დირექტორი, ტარიელ პაპინაშვილი და სტრატეგიული კვლევის, ანალიზისა და რეგიონების სამსახურის ანალიტიკოსი, გიორგი პატაშური ეპარქიის სასულიერო პირებს შეხვდნენ, რომლებმაც მადლობა გადაუხადეს რელიგიის სააგენტოს ყურადრებისა და გაწეული დახმარებისთვის.

საქველმოქმედო აქციები კვლავაც გაგრძელდება.

აღნიშნულ ინფორმაციას რელიგიის სააგენტო ავრცელებს.