იუსტიციის მინისტრი საქართველოში ევროკავშირის წარმომადგენლობის ხელმძღვანელს შეხვდა

იუსტიციის მინისტრმა, რატი ბრეგაძემ და პაველ ჰერჩინსკიმ საქართველოს ევროპული პერსპექტივა განიხილეს.

იუსტიციის სამინისტროს ინფორმაციით, მინისტრმა კიდევ ერთხელ დაადასტურა საქართველოს მისწრაფება ევროკავშირთან ინტეგრაციისკენ. აღინიშნა, რომ საქართველო მზად არის, ყველაფერი გააკეთოს ევროკავშირის კანდიდატი ქვეყნის სტატუსის მისაღებად, რასაც მოჰყვება ევროკავშირთან პოლიტიკური და ეკონომიკური ინტეგრაცია.

რატი ბრეგაძემ პაველ ჰერჩინსკისთან ევროინტეგრაციის პროცესში წარმატებული თანამშრომლობის და ამ პროცესში ევროკავშირის წევრი ქვეყნების მხარდაჭერის იმედი გამოთქვა.

ევროკავშირის წარმომადგენლობის ხელმძღვანელთან შეხვედრას ესწრებოდა იუსტიციის მინისტრის მოადგილე ბექა ძამაშვილი.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს