ლელა ჩიქოვანმა საერთაშორისო ფორუმში - „ქალი ლიდერები უსაფრთხოებისა და თავდაცვის სფეროში” მონაწილეობა მიიღო

სამხრეთ-აღმოსავლეთ ევროპის ქვეყნების თავდაცვის მინისტერიალის (SEDM) ფარგლებში რუმინეთის დედაქალაქში საერთაშორისო ფორუმი - „ქალი ლიდერები უსაფრთხოებისა და თავდაცვის სფეროში“ ჩატარდა. ბუქარესტში გამართულ საერთაშორისო ფორუმში საქართველოს მხრიდან თავდაცვის მინისტრის პირველი მოადგილე ლელა ჩიქოვანი მონაწილეობდა. ინფორმაციას საქართველოს თავდაცვის სამინისტრო ავრცელებს.

უწყების ცნობით, კონფერენციის ფარგლებში ლელა ჩიქოვანი პანელზე „ეროვნული პერსპექტივები და წარმატების ისტორიები შავი ზღვის რეგიონში“ მოხსენებით წარდგა. სიტყვით გამოსვლისას მან გენდერული თანასწორობის კუთხით საქართველოს თავდაცვის სამინისტროს მიღწევებზე ისაუბრა, ასევე ყურადღება გაამახვილა საქართველოში არსებულ უსაფრთხოების გამოწვევებსა და ევროატლანტიკურ სტრუქტურებში გაწევრიანების გზაზე მიღწეულ შედეგებზე.

სამინისტროს ინფორმაციით, პანელის ბოლოს ლელა ჩიქოვანმა აუდიტორიის მხრიდან დასმულ შეკითხვებსაც უპასუხა და რჩევები მისცა ახალგაზრდა ქალბატონებს, რომლებიც თავდაცვისა და უსაფრთხოების სექტორში კარიერას იწყებენ.

„ქალი ლიდერები უსაფრთხოებისა და თავდაცვის სფეროში“ ფორუმს რუმინეთის თავდაცვის სამინისტროს სახელმწიფო მდივანი თავდაცვის პოლიტიკის, დაგეგმვის და საერთაშორისო ურთიერთობების მიმართულებით სიმონა ქოჯოქარუ უძღვებოდა.

ფორუმზე მოწვეული იყვნენ ნატოს, UNDP, OSCE, აშშ-ის, თურქეთის და სხვა ქვეყნების წარმომადგენლები, ისევე როგორც რუმინეთის ტერიტორიაზე დისლოცირებული უცხო ქვეყნის სამხედრო ქვედანაყოფების სამხედრო პერსონალი და რუმინეთის სამხედრო სასწავლებლების მსმენელები.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება