ანა დოლიძე შვეიცარიის საგარეო საქმეთა სამინისტროს მიწვევით კონფერენციაზე იმყოფებოდა
შვეიცარიის საგარეო საქმეთა სამინისტროს მიწვევით, პარტია „ხალხისთვის“ ლიდერი ანა დოლიძე კონფერენციაზე - „არჩევნები მშვიდობისკენ“ იმყოფებოდა, რომელიც შვეიცარიაში, ქალაქ მონტროში გაიმართა.
პარტიის პრესსამსახურის ინფორმაციით, ანა დოლიძე კონფერენციაზე სიტყვით გამოვიდა და სამართლიანი არჩევნების მნიშვნელობასა და იმ გამოწვევებზე ისაუბრა, რომელიც საქართველოში დემოკრატიულ არჩევნებს აქვს.
„კონფერენციის მთავარი თემა საარჩევნო პროცესების მიმართ ნდობის ჩამოყალიბება იყო; ასევე ის, თუ როგორ შეიძლება ავაშენოთ და გავაძლიეროთ ნდობა ინსტიტუციების, განსაკუთრებით საარჩევნო მართვის ორგანოების მიმართ; როგორ უნდა შევიტანოთ წვლილი მშვიდობიან საარჩევნო პროცესებში.
კონფერენციაზე მიწვეულნი იყვნენ ცნობილი ექსპერტები, მაღალი დონის წარმომადგენლები და აკადემიკოსები კოსოვოდან, ნიგერიადან და ზიმბამბვედან, რომლებმაც ერთმანეთს ამ კონკრეტულ თემაზე თავიანთი გამოცდილებები გაუზიარეს“,- ნათქვამია პარტიის მიერ გავრცელებულ ინფორმაციაში.
