ნინო ლომჯარია მიხეილ სააკაშვილის მოსანახულებლად კლინიკა „ვივამედში“ მივიდა
საქართველოს სახალხო დამცველი ნინო ლომჯარია კლინიკა „ვივამედში“ საქართველოს მესამე პრეზიდენტის მიხეილ სააკაშვილის მოსანახულებლად მივიდა.
როგორც ლოჯარიამ კლინიკაში შესვლამდე ჟურნალისტებს განუცხადა, სურს, მიხეილ სააკაშვილის ჯანმრთელობის მდგომარეობას პირადად გაეცნოს.
„დიდი ხანია არ მინახავს მიხეილ სააკაშვილი, თუმცა ჩემი წარმომადგენლები რეგულარულად მოდიოდნენ და საქმის კურსში ვიყავით მიმდინარე პროცესების თაობაზე. იქიდან გამომდინარე, რომ ბოლო პერიოდის განმავლობაში ძალიან მძიმე შეფასებები ისმის მისი ჯანმრთელობის მდგომარეობის თაობაზე, მივიღე გადაწყვეტილება, რომ პირადად გავეცნო მის მდგომარეობას და შევხვდე ექიმებს“,- განაცხადა ნინო ლომჯარიამ.
