თბილისის საქალაქო სასამართლოში, არაყიშვილის ქუჩაზე სერგი ქურთიაშვილის ჯგუფურად მკვლელობის მცდელობაში ბრალდებული ძმების, დავით და გუგა კაკულიების სასამართლო სხდომა მიმდინარეობს

თბილისის საქალაქო სასამართლოში, არაყიშვილის ქუჩაზე სერგი ქურთიაშვილის ჯგუფურად მკვლელობის მცდელობაში ბრალდებული ძმების, დავით და გუგა კაკულიების სასამართლო სხდომა მიმდინარეობს. პროცესს თვითონ ბრალდებულებიც ესწრებიან. დღევანდელი სხდომა ბრალდების მხარის მოწმეთა გამოკითხვით გრძელდება.

ერთ-ერთმა მოწმემ, ექსპერტმა ლარისა ლისინამ სხდომაზე ისაუბრა უშუალოდ იმ ბინის ჩხრეკის შესახებ, რომელიც ძმებს კაკულიებს ჰქონდათ ნაქირავები. მისი თქმით, საექსპერტო დაწესებულებაში შევიდა შეტყობინება ბინის ჩხრეკის თაობაზე, სადაც მეწყვილესთან ერთად გავიდა. ლარისა ლისინას თქმით, ჩხრეკაზე მისულებს ადგილზე დახვდათ ბინის მესაკუთრე, გამომძიებელი და ბრალდებული ძმები, რომელთა თვალთახედვის არეში ხდებოდა ბინის ჩხრეკა. მოწმე განმარტავს, რომ ჩხრეკა უშუალოდ გამომძიებელმა ჩაატარა, მისი მეწყვილე ფოტოდასურეთებას ახდენდა, თავად კი ოქმებს ადგენდა.

„ჩხრეკისას ამოღებულ იქნა თანხა, ასევე ზურგჩანთიდან მჭიდი ვაზნებით, სხვადასხვა პირადი ნივთები, მობილური ტელეფონი, პისტოლეტი და პირადობის მოწმობები. ეს ყველაფერი დაილუქა”, - განაცხადა ლარისა ლისინამ.

ცნობისთვის, ძმებ კაკულიებს არაყიშვილის ქუჩაზე სერგი ქურთიაშვილის ჯგუფურად მკვლელობის მცდელობას, ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენას, შენახვას, ტარებას, ასევე, საზღვრის უკანონო კვეთას ედავებიან. აღნიშნული დანაშაული სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს.

გამოძიება ასევე ინტენსიურ რეჟიმში გრძელდება ძმებ კაკულიების მიერ სხვა დანაშაულებრივ ფაქტებთან, მათ შორის, ნიკა კვარაცხელიას მკვლელობის საქმესთან შესაძლო შემხებლობასთან დაკავშირებით.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს