ზურაბ აზარაშვილი ოფიციალური ვიზიტით სეულში იმყოფება. ამის შესახებ ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.

მათივე ცნობით, ჯანდაცვის მინისტრი გლობალური უსაფრთხოების დღის წესრიგის (GHSA) რიგით მეშვიდე მინისტერიალში იღებს მონაწილეობას.

გახსნით ღონისძიებაზე, ყურადღება გამახვილდა ჯანმრთელობის საფრთხეებზე რეაგირების გაუმჯობესების მნიშვნელობაზე. მინისტერიალზე ისაუბრეს პოსტ-კოვიდ ეპოქაში GHSA პლატფორმის გამოყენების შესაძლებლობებზე - პანდემიის მართვის, პრევენციის, მზადყოფნისა და რეაგირების საკითხებში შეძენილი გამოცდილების გაზიარების მიმართულებით. ღონისძიებაზე ყურადღება გამახვილდა ვირუსული ინფექციების მართვის საკითხებზე და ამ მიზნით, იმუნიზაციის ეროვნული პროგრამის გაძლიერების შესაძლებლობებზე.

ჯანდაცვის მინისტრთან ერთად, კორეის რესპუბლიკაში, მინისტრის მოადგილე ილია ღუდუშაურიც იმყოფება.