ლევან იოსელიანი - ყველაფერი უნდა გააკეთოს სახელმწიფომ იმისთვის, რომ საქართველომ მეორეჯერ აღარ ჭამოს სირცხვილი, რაც ერთხელ უკვე მოგვივიდა, როდესაც პირველი პრეზიდენტი ფაქტობრივად მოვკალით

ერთი რამ ცხადია, ყველაფერი უნდა გააკეთოს სახელმწიფომ იმისთვის, რომ საქართველომ მეორეჯერ აღარ ჭამოს ის სირცხვილი, რაც ერთხელ უკვე მოგვივიდა, როდესაც პირველი პრეზიდენტი ფაქტობრივად მოვკალით, - ამის შესახებ პარტია „მოქალაქეების“ ერთ-ერთმა ლიდერმა, ლევან იოსელიანმა „პალიტრანიუსის“ გადაცემა „რეზიუმეში“ საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობაზე საუბრისას განაცხადა.

ლევან იოსელიანის თქმით, ის ყოველთვის სკეპტიკურად უყურებდა მიხეილ სააკაშვილის ადვოკატების და ოჯახის წევრების განცხადებებს, თუმცა დღეს, როცა კლინიკამ ექსპრეზიდენტს სასამართლოში მისვლის უფლება არ მისცა, დარწმუნდა, რომ სააკაშვილის მდგომარეობა მძიმეა.

„მეც ყოველთვის სკეპტიკურად ვუყურებდი ხოლმე მისი ადვოკატების და ოჯახის წევრების განცხადებების. არა იმიტომ, რომ არ მჯერა მათი, არამედ ოჯახის წევრი, ადვოკატიც, პარტიაც, წევრებიც უფრო დაინტერესებული არიან და შეიძლება გადაჭარბებული იყო ის შეფასებები, რასაც აკეთებდნენ ხოლმე, თუმცა დღეს ერთ რამეში მეც დავრწმუნდი, რომ მიხეილ სააკაშვილის მდგომარეობა არის იმდაგვარი, რომ მისი ტრანსპორტირება საავადმყოფოდან სასამართლოში არის რისკის შემცველი, რაც ნიშნავს, რომ მისი მდგომარეობა უფრო რთულია, ვიდრე იყო მანამდე, სანამ საავადმყოფოში გადაიყვანდნენ, რაც, ჩემი აზრით, მთავარ პასუხისმგებლობას აკისრებს ხელისუფლებას, რომ გასცეს პასუხი, რა სჭირს ამ ადამიანს.

მიუხედავად იმისა, ვართ მისი მოწინააღმდეგეები, მოგვწონდა როგორც პოლიტიკოსი თუ არ მოგვწონდა, როგორც არ უნდა იყოს, ის არის პირველ რიგში ადამიანი, ასევე იყო ამ ქვეყნის პრეზიდენტი და მას ჰყავს ნახევარ მილიონამდე მხარდამჭერი ამ ქვეყანაში, რაც საკმაოდ დიდი ციფრია, ეს ადამიანები და ზოგადად სასამართლო იმსახურებს, რომ ხელისუფლებამ ნათელი პასუხი გასცეს კითხვას, მისი ჯანმრთელობის შესახებ: რა ჭირს მას რამდენად საშიშია და არსებობს თუ არა აუცილებლობა იმისა, რომ ჯანმრთელობის მდგომარეობის გაუარესების გამო მისი სასჯელი გადადავადდეს და იქნას გაშვებული საზღვარგარეთ სამკურნალოდ“, - განაცხადა ლევან იოსელიანმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს