საქართველოს საქმიანი ტურიზმის პოტენციალს ისრაელში გაეცნენ

ტურიზმის ეროვნულმა ადმინისტრაციამ ისრაელში პრეზენტაცია გამართა. ინფორმაციას ტურიზმის ეროვნული ადმინისტრაცია ავრცელებს.

მათივე ცნობით, ადმინისტრაციის საკონვენციო და საგამოფენო ბიურომ ისრაელის უმსხვილეს ავიაკომპანიებსა და ტუროპერატორებს საქართველოში საქმიანი ტურიზმის პერსპექტივები გააცნო. პრეზენტაციას ისრაელის ბიზნესსექტორისა და ადგილობრივი მედიის 100-ზე მეტი წარმომადგენელი დაესწრო.

„საკონვენციო და საგამოფენო ბიუროს მთავარი მიზანია საერთაშორისო ბაზარზე საქართველოს ცნობადობის ამაღლება და ბიზნეს აქტივობების შესახებ ინფორმაციის მიწოდება. ჩვენი მიზანია მოვიზიდოთ უფრო მეტი ბიზნეს მოგზაური ისრაელიდან საქართველოში, ისინი როგორც იცით საკმაოდ მაღალმხარჯველი ვიზიტორები არიან“,-განაცხადა ტურიზმის ეროვნული ადმინისტრაციის საკონვენციო და საგამოფენო ბიუროს უფროსმა ლევან ჯაფარიძემ.

პრეზენტაციის ფარგლებში საქართველოსა და ისრაელის კერძო სექტორის წარმომადგენლებს სიტყვით მიმართა საქართველოს ელჩმა ისრაელში ლაშა ჟვანიამ.

„ტურიზმის ადმინისტრაციამ ძალიან საინტერესო პრეზენტაცია გამართა ისრაელელი ტურისტული კომპანიებისთვის, ინტერესი მაღალია. ამ პრეზენტაციის ფარგლებში ტურისტებს შევთავაზეთ სეზონური დასვენება. მაგალითად ზამთრის ტურიზმი, კულტურული ტურიზმი, ფესტივალები რომლებიც საქართველოში ტარდება და ჯერ კიდევ ისრაელელი ტურისტებისთვის ცნობილი არ არის“,- განაცხადა საქართველოს ელჩი ისრაელში ლაშა ჟვანია.

როგორც ტურიზმის ეროვნულ ადმინისტრაციაში განმარტავენ, ღონისძიების ფარგლებში პრეზენტაცია მოაწყო საქართველოს აეროპორტების გაერთიანების დირექტორმა თამარ არჩუაძემაც. პრეზენტაციის შემდეგ ტურიზმის ეროვნული ადმინისტრაციის საკონვენციო და საგამოფენო ბიუროს წევრი კომპანიების წარმომადგენლები ისრაელელ კოლეგებს შეხვდნენ. B2B ფორმატში გამართულ შეხვედრაზე ორ ქვეყანას შორის საქმიანი ტურიზმის მიმართულებით თანამშრომლობის გაღრმავებისა და მსხვილი ღონისძიებების დაგეგმვის შესაძლებლობები განიხილეს.

„საქართველოს ტურიზმის ეროვნული ადმინისტრაციისა და საკონვენციო და საგამოფენო ბიუროს ეგიდით საქმიანი ტურიზმის შეხვედრები გაიმართა ისრაელისა და საქართველოს წარმომადგენლებს შორის. ეს სტიმულია მეტი ტურისტის მოსაზიდად, ასევე ხელს უწყობს საქართველოს ცნობადობის გაზრდას“, - განაცხადა სასტუმრო „მერკური თბილისისა“ და IBIS Styles-ის წარმომადგენელმა მაკა ცხომელიძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)