გარემოს ეროვნული სააგენტოს ხელმძღვანელები იტალიაში ვიზიტით იმყოფებოდნენ

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს უფროსი თამარ ფიცხელაური, სააგენტოს უფროსის მოადგილე თეიმურაზ მთივლიშვილი და გარემოს დაბინძურების მონიტორინგის დეპარტამენტის ხელმძღვანელები სამუშაო ვიზიტით იტალიაში იმყოფებოდნენ. ინფორმაციას გარემოს ეროვნული სააგენტო ავრცელებს.

მათივე ცნობით, ქართული დელეგაციის წევრები იტალიის რეგიონულ გარემოს დაცვის სააგენტოს ARPA Campania გენერალურ მენეჯერს, სტეფანო სორვინოს შეხვდნენ. შეხვედრაზე ქართული მხარე ჰაერის დაბინძურების მონიტორინგის და მოდელირების მიმართულებით ARPA Campania-ის საქმიანობას გაეცნო.

„ვიზიტის ფარგლებში, გარემოს ეროვნული სააგენტოს წარმომადგენლები ქ. რიმინის მწვანე ტექნოლოგიების გამოფენაზე „Ecomondo“ იმყოფებოდნენ. აღნიშნული გამოფენა ევროპაში ტექნოლოგიური და სამრეწველო ინოვაციების გაზიარების კუთხით, მნიშვნელოვანი საერთაშორისო ღონისძიებაა. გარემოს ეროვნული სააგენტოს წარმომადგენლები, ინოვაციური ტექნოლოგიების გაცნობის მიზნით, გამოფენის ფარგლებში გამართულ სემინარებსაც დაესწრნენ.

აღნიშნული ვიზიტის ფარგლებში მიღებული ინფორმაცია გარემოს ეროვნულ სააგენტოს ევროპული გამოცდილების გაზიარებასა და დანერგვაში, ატმოსფერული ჰაერის დაბინძურების მონიტორინგის ქსელის გაფართოების მიმართულებით საქართველოში მიმდინარე პროცესში მნიშვნელოვნად დაეხმარება“, - აღნიშნულია ინფორმაციაში.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება