სემეკის ინიციატივით, საქართველოში ენერგეტიკული კლუბი გაიხსნა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) ინიციატივითა და სემეკში მიმდინარე ევროკავშირის მიერ დაფინანსებული თვინინგის პროექტის მხარდაჭერით, საქართველოში ენერგეტიკული კლუბი გაიხსნა. ინფორმაციას სემეკი ავრცელებს.

მათივე ცნობით, კლუბის ფარგლებში გამართულ პირველ შეხვედრაზე სტუმრებს სიტყვით სემეკის წევრმა, თვინინგის პროექტის ლიდერმა, გიორგი ფანგანმა მიმართა და საქართველოში ენერგეტიკული კლუბის დაფუძნების მნიშვნელობაზე ისაუბრა.

ენერგეტიკული კლუბის გახსნას სემეკის თავმჯდომარე დავით ნარმანია, სემეკის წევრები, ენერგეტიკის სექტორში მოქმედი უწყებების, ლიცენზიატი კომპანიების, არასამთავრობო, საერთაშორისო, დონორი ორგანიზაციების წარმომადგენლები და უცხოელი სტუმრები ესწრებოდნენ.

ენერგეტიკული კლუბის მიზანია ხელი შეეწყოს საქართველოში ენერგეტიკული საინვესტიციო პროექტების განხორციელებას, ევროკავშირსა და საქართველოს შორის ენერგეტიკის სექტორში პარტნიორობის გაღრმავებას. კლუბის ფარგლებში რეგულარული შეხვედრები გაიმართება, სადაც ენერგეტიკის სექტორის წარმომადგენლებს, მოწვეულ ადგილობრივ და უცხოელ სტუმრებს შესაძლებლობა ექნებათ, არსებულ გამოწვევებსა და მათი გადაჭრის გზებზე იმსჯელონ.

„ევროკავშირის მხარდაჭერით, სემეკმა შეძლო კიდევ ერთი მნიშვნელოვანი პროექტი განეხორციელებინა, რომელიც საქართველოში მიმდინარე ენერგეტიკული რეფორმის წარმატებით განხორციელებისათვის განსაკუთრებით ეფექტიანი იქნება. მოგეხსენებათ, საერთაშორისო ენერგეტიკულ ორგანიზაციებში ჩვენ აქტიურად ვართ წარმოდგენილები და არაერთ ენერგეტიკულ უწყებასთან ვთანამშრომლობთ. კავშირების გაფართოება და გარკვეული ინტენსივობით საქართველოში უცხოელი კოლეგების, ინვესტორების მოწვევა, ჩვენი ქვეყნის ენერგეტიკული პოტენციალის ათვისებას ხელს შეუწყობს და ევროპის ენერგეტიკულ ბაზარზე საქართველოს როლს გაზრდის“, - განაცხადა გიორგი ფანგანმა სიტყვით გამოსვლისას.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე