კომპანია „თბილისი ენერჯის“ ცნობით, გაზსადენზე მომხდარი ავარიის გამო, 17 000-მდე აბონენტს გაზის მიწოდება შეუწყდება.

როგორც გავრცელებულ განცხადებაშია აღნიშნული, ბუნებრივი აირის მიწოდების აღდგენა ხვალ, 30 ნოემბერს, დილის 09:00 საათიდან ეტაპობრივად დაიწყება და დღის ბოლომდე დასრულდება. „გაცნობებთ, რომ გაზსადენზე მომხდარი ავარიის სალიკვიდაციო სამუშაოების გამო, გაზის მიწოდება დღეს, მთაწმინდის რაიონში 17 000-მდე აბონენტს შეუწყდება. ავარიის სალიკვიდაციო სამუშაოები ღამის 11:00 საათზე დაიწყება და კომპანია „თბილისი ენერჯის" ოპერატიული ჯგუფები მთელი ღამის განმავლობაში იმუშავებენ, რომ ხვალ დილიდან ყველა აბონენტი ჩაირთოს.

აბონენტებისთვის გაზის მიწოდების აღდგენა ხვალ, 30 ნოემბერს, დილის 09:00 საათიდან ეტაპობრივად დაიწყება და დღის ბოლომდე დასრულდება.

კომპანია „თბილისი ენერჯი“ ბოდიშს გიხდით ჩვენგან დამოუკიდებელი მიზეზებით შექმნილი დისკომფორტის გამო“,-აღნიშნულია განცხადებაში.