ადვოკატი - თუ ადეკვატური მკურნალობა უტარდება, რატომ გვთავაზობს იუსტიციის მინისტრი უცხოელი ექიმის ჩამოყვანას? - მიხეილ სააკაშვილს სასამართლო სამედიცინო ექსპერტიზის დიაგნოზი გავაცანი და მიიღო გადაწყვეტილება, რომ არ უნდა გასაჯაროვდეს

მიხეილ სააკაშვილს თუ კვალიფიციური დახმარება უტარდება და ყველაფერი კარგად აქვს, მაშინ, რატომ უნდა ჩამოვიყვანოთ უცხოელი ექიმი? - თუ კარგი მკურნალობა უტარდება, რატომ მძიმდება პაციენტის ყოველდღიურად მდგომარეობა?,- ასე უპასუხა მესამე პრეზიდენტის, მიხეილ სააკაშვილის ადვოკატმა იუსტიციის მინისტრის რატი ბრეგაძის განცხადებას, რომ მიხეილ სააკაშვილს სახელმწიფო სთავაზობს ნებისმიერი უცხოური კლინიკიდან ნებისმიერი ექიმი ჩამოიყვანოს და მკურნალობის პროცესში ჩართოს.

ადვოკატის თქმით, მინისტრის განცხადებაში ურთიერთგამომრიცხავი პოზიციებია.

„რა უნდა ვუპასუხო. ახლა მათი პასუხია სასამართლო სამედიცინო ექსპერტიზის დასკვნა, რომელიც დღეს უკვე გადმომეცა და უახლოეს დღეებში სასამართლოს მივმართავ შუამდგომლობით. სასამართლო პროცესზე გაირკვევა ეს საკითხი ერთხელ და სამუდამოდ.

თუ ადეკვატური მკურნალობა უტარდება, მაშინ რატომ გვთავაზობს იუსტიციის მინისტრი უცხოელი ექიმის ჩამოყვანას? ერთ განცხადებაში ორი ერთმანეთის გამომრიცხავი პოზიცია არის. თუ კვალიფიციური დახმარება უტარდება და ყველაფერი კარგად აქვს, მაშინ, რატომ უნდა ჩამოვიყვანოთ უცხოელი ექიმი? თუ კარგი მკურნალობა უტარდება, რატომ მძიმდება პაციენტის მდგომარეობა ყოველდღიურად?",- აღნიშნა ხაჭაპურიძემ.

ადვოკატის ინფორმაციით, მიხეილ სააკაშვილს დიაგნოზი გააცნო, რომელიც, მისივე გადაწყვეტილებით, არ გასაჯაროვდება.

მიხეილ სააკაშვილს სასამართლო სამედიცინო ექსპერტიზის დიაგნოზი გავაცანი და მიიღო გადაწყვეტილება, რომ არ უნდა გასაჯაროვდეს. დიაგნოზი ჯდება იმ ჩამონათვალში, რომელიც ითვალისწინებს ჯანდაცვის სამინისტროს ბრძანების მიხედვით სასჯელის მოხდისგან გათავისუფლებას. ვნახოთ, სასამართლოს გათავისუფლებას მოვთხოვთ თუ გადავადებას, შევიკრიბებით იურისტები და გადავწყვეტთ“, - განაცხადა ხაჭაპურიძემ.

ამასთან, ადვოკატს თქმით, სასჯელის გადავადების საკითხს სასამართლო წყვეტს და არა პოლიტიკოსები.

"შეკვეთილი მაქვს რამდენიმე ცალი მოსამართლის მანტია, ყველა ვინც გააკეთებს ისეთ განცხადებას, რომელიც მათ კომპეტენციაში არ შედის, საჩუქრად გავუგზავნი მოსამართლის მანტიას. ჩაიცვან სახლში და იარონ მოსამართლის მანტიით. მათი გადასაწყვეტი არ არის სააკაშვილს სასჯელი გადაუვადდება თუ არა, ამას სასამართლო წყვეტს“, - განაცხადა ხაჭაპურიძემ.

ცნობისთვის, საქართველოს იუსტიციის მინისტრის რატი ბრეგაძის განცხადებით, ყოფილ პრეზიდენტს, მიხეილ სააკაშვილს სახელმწიფო სთავაზობს ნებისმიერი უცხოური კლინიკიდან ნებისმიერი ექიმი ჩამოიყვანოს და მკურნალობის პროცესში ჩართოს.

„გამომდინარე იმ მაღალი პასუხისმგებლობიდან, რომლითაც სახელმწიფო თითოეული ადამიანის სიცოცხლესა და ჯანმრთელობას ეკიდება, ახლაც გამოვთქვამთ მზადყოფნას და მსჯავრდებულ სააკაშვილს ვთავაზობთ, რომ ჩამოიყვანოს ნებისმიერი უცხოური კლინიკიდან ნებისმიერი ექიმი, რომელსაც სახელმწიფო მისცემს შესაძლებლობას, რომ ჩაერთოს მის მკურნალობაში“,- განაცხადა ბრეგაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)