ნიკო ფიროსმანის 160 წლისადმი მიძღვნილი გამოფენა, კატალოგის პრეზენტაცია და გამარჯვებულ მხატვარ-კარიკატურისტთა დაჯილდოების ღონისძიება გაიმართა

საქართველოს ფოლკლორის სახელმწიფო ცენტრში ნიკო ფიროსმანის 160 წლისადმი მიძღვნილი გამოფენა, კატალოგის პრეზენტაცია და გამარჯვებულ მხატვარ-კარიკატურისტთა დაჯილდოების ღონისძიება გაიმართა.

ორგანიზატორების ინფორმაციით, დიდი მხატვრის იუბილესადმი მიძღვნილ საერთაშორისო კარიკატურის ფესტივალში „ნიკო ფიროსმანი და მისი შემოქმედება“, რომელიც არასამთავრობო ორგანიზაციის Art&Society ორგანიზებით და საქართველოს კულტურის, სპორტისა და ახალგაზრდობის სამინისტროს მხარდაჭერით განხორციელდა, მხატვრები 32 ქვეყნიდან მონაწილეობდნენ. 132 ნამუშევრიდან ჟიურიმ გამარჯვებულები გამოავლინა. პირველი ადგილი ზურაბ მარხვშვილის ნამუშევარს ერგო. მეორე ადგილზე უკრაინელი მხატვარი იგორ ტალალაის ნამუშევარი დასახელდა. მესამე ადგილი კი ქართველი და თურქი კარიკატურისტების ლუკა კიკნაველიძის და მენექშე ჩამის წარმოდგენილ ნამუშევრებს შორის განაწილდა. გარდა ამისა, ჟიურის სიმპათია მარციო მარიანის და გუგა ქაშიბაძის კარიკატურებმა დაიკავა. კონკურსის სპონსორის „რეს 11“-ის სიმპათია მაკა ზედელაშვილის ნამუშევარი გახდა. გამარჯვებულებს გადაეცათ ფულადი პრიზები: 1000 ევროს, 700 ევროს და 500 ევროს ექვივალენტი ლარში.

ღონისძიებას საქართველოს კულტურის, სპორტისა და ახალგაზრდობის მინისტრი თეა წულუკიანი ესწრებოდა. „კონკურსში, ერთი თვის განმავლობაში, რაც ძალიან მოკლე ვადაა, 32 სხვადსხვა ქვეყნიდან 132 მხატვარმა მიიღო მონაწილეობა. უნიკალური ფენომენი როგორიც არის ფიროსმანი, სამყარომ კიდევ მეტად და კიდევ უკეთ გაიცნო. თუკი ინიციატორების სურვილიც იქნება, ჩვენ მომავალშიც გავაგრძელებთ ამ პროექტის მხარდაჭერას“, - აღნიშნა მინისტრმა.

„ემოციებში და ეიფორიაში ვარ. რა თქმა უნდა დიდი სურვილი მქონდა, მაგრამ გამარჯვება მოულოდნელი აღმოჩნდა. ძალიან მიხარია, ეს არის დიდი სტიმული მომავალი საქმიანობისთის“, - განაცხადა მხატვარმა ზურაბ მარხვაშვილმა.

„პროექტი მიზნად ისახავს დიდი მხატვრის შესახებ ცნობადობის ამაღლებას და მისი შემოქმედების თანამედროვე ჭრილში გააზრებას.

პროექტის საწყის ეტაპზე გამოცხადდა კონკურსი. კონკურსის მონაწილე მხატვრებს ჰქონდათ 10-დღიანი სამუშაო ვადა, რომლის ფარგლებშიც უნდა შეესრულებინათ ნიკო ფიროსმანის ან მისი პერსონაჟების კარიკატურა. ამასთან, შესრულებულ ნამუშევართან ერთად, უნდა წარმოედგინათ 1-წუთიანი ვიდეო, სადაც ისაუბრებდნენ, თუ რა ინსპირაცია მისცა მათ ფიროსმანის ნამუშევრებმა და, ზოგადად, რას ნიშნავს ფიროსმანის არსებობა სამყაროსთვის.

პროექტის ფარგლებში დაიბეჭდა ორენოვანი (ქართულ-ინგლისური) ალბომი, რომელშიც 91 მხატვრის მიერ შესრულებული ნამუშევრებია წარმოდგენილი.

„პროექტი შედგა, რადგან ჩვენს წინაშეა 32 ქვეყნის 132 ნამუშევარი, რომლებიც საქართველოს ეროვნულ იდენტობის სიმბოლოს - ნიკო ფიროსმანს მიეძღვნა. მხატვარ-კარიკატურისტებმა გაითავისეს ნიკო ფიროსმანის შემოქმედება, მისი პიროვნება და საკმაოდ საინტერესო და მრავალფეროვანი ნამუშევრები შეასრულეს. ჟიურის რთული გადაწყვეტილების მიღება მოუწია, რადგან კონკურსში ბევრი ცნობილი, პროფესიონალი მხატვარი მონაწილეობდა. აღსანიშნავია კატალოგიც, სადაც შემოსული ნამუშევრები შევიდა, ვიდეო რგოლი, მხატვრების შთაბეჭდილებები ფიროსმანზე“-აღნიშნა პროექტის ერთ-ერთმა ავტორმა, ხელოვნებათმცოდნე სალომე ჭანტურიძემ.

მისი თქმით, საერთაშორისო ფესტივალი პირველად ჩატარდა და, მცირე ვადების მიუხედავად, ძალიან კარგი შედეგები აქვს. მან იმედი გამოთქვა, რომ „გამოფენა რეგიონებსაც მოივლის და სახალხო შემოქმედი ნიკალა, მასზე მიძღვნილი ნამუშევრებით კიდევ ბევრ ადამიანს შეაყვარებს თავს“.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს